«کیان خیاو»دان ایکی اثر نشر ائدیلدی

تانینمیش آذربایجان شاعری و یازیچیسی «کیان خیاو»دان شعر و حئکایه زمینینده ایکی اثر ایشیق اوزو گؤرموشدور. «گلن یئلده گئدن یارپاق» عنوانلی شعر مجموعه‌سی ۱۵۲ صحیفه‌ده و «عزیزیم داغ ارییر» آدلی حئکایه مجموعه‌سی‌ ایسه ۱۶۲ صحیفه‌ده «پارلاق قلم» یایین ائوی طرفیندن نشر ائدیلیبدیر. حئکایه مجموعه‌سینده کیان خیاوین ۸ حئکایه‌سی «فیلیپس»، «ژاله خانیمین تاختا قیلینجی»، «بیر بایاتینین غملی حئکایه‌سی»، «اؤپوش»، «قاندهاروه و فیسینجان»، «بورکولو هاوادا سرین سو دوشو»، «پیشیکلر»، «آند ایچیرم، بیلمزسن» آدلاریندا یئرلشیبدیر. هر ایکی اثرین گرافیستی تانینمیش صنعتکار «آتابای تیکان‌تپه‌لی‌»دیر.
ناشرین عنوانی: بیناب،امام خیاوانی، پورصادق پاساژینین دیبی، ۲۳جو پلاک/ تلفن : 37745585_041 – ۹۳۹۸۶۶۴۲۷۶