بوتؤولوک
ائلدار موغانلی
بیر آلمانی ایکی بؤلدوک؛
آتیلدیق تک‌لیک‌دن.
قوشا جیزگی‌لر کیمی یاشادیق-
سونسوز بیر ایکی‌لیکده.
کؤورک لپه‌لر بئشیگیمیز اولدو،
اوچار قاغایی‌لار آرزوموز؛
ماوی‌لیگه دوزولدو ایکیلیگیمیز.
آغیزیمیزدا ایل‌لرین دادی
اوره‌ییمیزده یول‌لارین ایزی،
بیر ساپاغدان آسدیق سئوینجی، غمی
من سئون، سئویلن
سن سئویلن، سئون.
بیر آلمانی ایکی بؤلدوک،
بوتؤولندیک…!
فروردین ۱۳۹۲- تهران
