گولوشونون سسی اولمایان کوچه‌لر …
توحید سلیمانی
هر کسین بیر سیرری وار
یالنیز اؤزونه عایید
آرزولاری وار هر کسین
چاتمایانلار واقتسیز قوجالیر
باشلاری هاوادا
آیاقی باغلی
آغاجلاریدیق بیز
ساچینا قونان کپنک‌لر چوخدان اوچوشدو
سئوه بیلمه‌دیک الیمیزده‌کی‌لری
او اوغلان سنی
داغلاریمیزی هئچ کیمسه
نئیلمک
بیز جنتی بوردا ایسته میشدیق
سئوگیلیم
بیل کی بو دونیا منیم دونیام دئییل
یوخسا هئچ قره‌چی قیزی اوپوش‌سوز قالمازدی
هر شنبه زیندان ملاقاتینا گئتمزدیم
اورمو گؤل‌سوز
و سن سئودیین اوغلان‌سیز اولمازدین
بیری ال چکیردی بو شهرین یئتیم باشینا
سئوگیلیم درد ائلمه‌یه بیر شئیلر گرکیر
من
گولوشون سسی اولمایان
بو شهرین کوچه‌لرین درد ائله‌دیم.
