شنبه گونو …
اباصلت اصغری ممان

شنبه گونو، آخشام اوستو

اهر شهری، ورزقاندا

یئر تیتره‌دی اسیم – اسیم؛

یارپاغ کیمی-

دام دوواردان کرپیج،کسسک،

داش، قوم، توپراغ

                   گویدن یئره اله‌نیردی.

حیات سوسوب

      نه دانیشیر، نه دینیردی.

قاچان قاشدی،

قاچمایان‌دا

توپراغ آلتدا

اسیر دوشدو.

اینیلتی‌لر، ناله سسی

توپراق آلتدان اوجالدیلار

هر یئر کدر،

هر یئر غوبار.

دیری قالان چوخ هراسان؛

قوجاقلاشیب توپراق آلتدا

آنا ، بالا بیر بیری‌له گؤر نه یامان!