عشق اولسون!
اکبر رضایی
حیاتدا لب‌لری خندان اولان اینسانه عشق اولسون!
گولوب گولمک یاشاییش‌دیر، لبِ خندانه عشق اولسون!
صداقتدن تاپار یول، اوغرایار حقّه حقیقت‌لر
بو دینه، مسلکه، اینسانلیغا، ایمانه عشق اولسون!
حیاتین وارلیغی اینسانلیق ایله باش توتار هر آن
دوشونموش مئهریبان، سن سئوگیلی جانانه عشق اولسون!
من عاشقلر گؤزوندن باخمیشام دونیایه هر بیر آن
بو دونیادان او دونیایه بوجور پیمانه عشق اولسون!
منیم هر دردیمه درمان و چاره سئوگی‌دیر هر آن
جانیمدا باخ بو درده، سئوگییه، درمانه عشق اولسون!
یوخومدور باشقا بیر دردیم بو دونیادا، منیم دردیم-
محبّت‌دیر، محبّتله دولو اینسانه عشق اولسون!
حقیقت‌له صداقت باشقا بیر وارلیق‌دی دونیاده
بو وارلیقلار ایچینده، مکتب وجدانه عشق اولسون!
دَرین دردلر ییخانماز مرد اولان اینسانی هئچ بیر آن
دؤزومله، مردلیک‌له باغلانان، پئیمانه عشق اولسون!
فضولی‌لر، نسیمی‌لر یازیب عشقین مرامیندان
صداقتدن، ادب دن سؤز دیین دیوانه عشق اولسون!
زمانین دردی چوخدور، چوخ چوخ آرتیر گون به گون دردلر
چتینلیک قارشیسیندا مرد قالان اینسانه عشق اولسون!
حقیقت‌لر اگر بؤیله گلیب گئتمیشسه دونیادان
شرافتله دییردیم کی بئله آد سآنه عشق اولسون!
فدائی‌لر وئریب خالقیم بو توپراغدان صحاب اولدو
شهیدان رهِ حقّه و ستّارخانه عشق اولسون!
قارالمیش گونلرین رنگی، سارالدی سولدو بیر گول تک
منیم یوردوم و اؤلکم‌دیر، آذَربایجانه عشق اولسون!
وفاسیز دلبرین لعل لبیندن اوممادیم بوسه
منیم کؤنلوم قاپان یوردومداکی جئیرانه عشق اولسون!
هارای لار کؤنلومو بوغموش، دنیزلرجه منیم دردیم
صفاسیز گونلری ویران ائدن توفانه عشق اولسون!
منیم “سس سیز”لیغیم درددن هارای دان باش توتوب ای گول
یانیمدا دوز دوران یولداشلارا یارانه عشق اولسون!
۱۸/۱۰/۹۵
3 پاسخ
تشککورلر سایین :
1- علی (البته اثر استاد سلماسی را نخوانده بودم ولی بسیار خوشحال شدم که دل و قلب و اندیشه انسانها می تواند چنین نسبت به هم نزدیک باشد. از اینکه در مسیر استادی عشق و هوس دارم خرسندم از آقای علی در این مورد و توضیحات موجود تشکر می نمایم.)
2- رساله معماری
اوره یینیزه قوربان
اورک دولوسو مینتدارام باخیشینیزدان دولایی.
ائلیمیزه دیلیمیزه خالقیمیزا عشق اولسون
@shaaadab
سلام شعر بسیار زیبایی به تقلید از استاد امید سلماسی سروده شده است که جای تشکر دارد، استاد امید سلماسی در سال ۱۳۶۸ غزلی زیبا برای اولین بار با ردیف -عشق اولسون- سروده اند که بیت پایانی آن در ذیل درج می گردد:
«امیدا» جان تاپیر بوردان غزل تورکون دیلینده چوخ
دئییرسن گل گئلده ک هر دیلده بو میدانه، عشق اولسون!
استاد امید سلماسی سه غزل با همین ردیف سروده اند که مقطع اولین غزلشان به شرح فوق است البته در غزلهای بعدی قافیه ها فرق می کند.
سپاس و تشکر