دئییرم آی میریش
کئفین نئجه‌دی
دئییر کی کئفیمده
عاغلیم بئچه‌دی

عاغلیندا بانلادیم
یومورتلامادی
دئدی کی گوناهکار
یالنیز مامادی

مامالار میملی‌دیر
میمینه قوربان
بویونا اوخشاسین
اوچاغان بابان

دئییرم آی میریش
ایشین نئجه دی
دئدی کی بیلمیرم
واللاه گئجهدی

بیر آز- ماز عاغلیندا
تورموز ائیله‌ییر
بیر آندا گاز وئریب
نمنه سؤیله‌ییر

دئییرم آی میریش
نه خبریندی
آستا سور عاغلینی
هر یئر دریندی

باخمیر کی آللاهسیز
ائله هئی سورور

گاز وئریر عاغلینا

هئچ نه یی گؤرمور