چئویرن: ایشیق
ترجمه: ایشیق
ایشیق

«غلامحسین فرنود» اینسان گلدی، اینسان گئتدی…
حمید احمدزاده

چوخ اللشدین سنه اصلان دئسینلر
قوچ اوغلان، یا ایگید ترلان دئسینلر
عزیزیم جهد ائله بونلاردان آرتیق
سنه اینسان فقط اینسان دئسینلر
«مفتون امینی»

«غلامحسین فرنود»ون شخصیتی، یوخاریدا گئدن شعرین ان گؤرکملی گؤستریسی‌دیر. او چوخ بؤیوک ادعانین صاحیبی دئییلدی. اینسان گلدی، اینسان گئتدی. بیر نورمال و منطقی اینسان ایدی. اصلینده واقعی بیر ادبیاتچی ایدی. چوخلو کیتاب تورکجه‌دن فارسجایا چئویردی. او جومله‌دن:
-«نوه نتیجه‌های ملانصرالدین» کی تورکیه کاریکاتوریستلرینه مربوط ایدی.
-تولستوی‌دان بیر بالاجا اوشاق کیتابی ترجمه ایله‌دی :«روباهی که سرش کلاه رفت»
-سینما عالمینده بویوک نظریه صاحبی ایدی.
-ایرانین فارس ادبیاتیندا بؤیوک ایزلر بوراخدی. او جومله‌دن: عبید زاکانی حاقیندا آیدینلاتمالارینا اشاره ائتمک اولار.
-یوزلر کیتابا تصحیح و ائدیتورلوق ائله‌دی. او جومله‌دن ۱۳۴۶ دا اوستاد مفتون امینی‌نین «انارستان» کیتابینی چاپا حاضیرلادی و شمس یایین ائوینده یاییلدی. (بوکیتابین حروفچینلیغینی من ایله «نوروز» یاپمیشیق)
-«آدینه مهدآزادی» نشریه‌سینی ۱۳۴۴ باشلادی، سونرا صمد و دوستلاری اونون یاردیمینا گلدی. انقلابدان سونرا، یئنه «آدینه» اصولونا باغلی اولان ادبی صفحه‌نی دوام وئردی.
دوکتور غلامحسین فرنود، تورکیه‌دن دوکتورا آلماغینا رغما و صمد، بهروز، علیرضا و….کیمی دوستلارینا رغما، ایران تورکلری دیل و ادبیاتینا، گؤزلنیلن اؤنملی آددیملار آتمادی. او اصلینده بیر بؤیوک اینسانیدی کی مملکتی‌نین شرایطیندن آسیلی اولانی دیشی، دیرناغی و جانی ایله دوشونوب، اصلا تشنج یاراتمادی. اؤلن گونه قدر ادبیاتین سینیرلارینی قورودو.
صمد فوت اولاندان سونرا، هرکسدن آرتیق اونون مطرح اولماسیندا چابا گوُستردی. آرش مجله‌سی نومره ۳۸ (درباره صمد بهرنگی) او تلاشین نتبجه‌سی‌دیر. اما بهروز دهقانی ایله، صمدین کیتابلارینین امتیازی کونوسوندا سؤزه گلدی. نهایت بهروز دهقانی قویان قرارا بویون ایدی و صمدین کیتابلارینین تجدیدی چاپی، علی زاخری (ابن سینا) یایین ائوینین مدیریندن آلینیب، رحمتلیک مجید آغا ایروانی (شمس) یایین ائوینه وئریلدی. صمدین تام کیتابلارینی بو دؤنه «عباد»، «نوروز» و من حروفچین‌لیک ائله‌دیک و بیر نئچه‌سی مهدآزادی مطبعه‌سینده (سید اسماعیل پیمان مدیرلیغی) و بیر نئچه‌سی خورشید مطبعه‌سینده (حاج حبیب خادم هاشمی حسینی) چاپ اولدو. دکترفرنودن، بهروز دهقانی ایله بو سؤزه گلمه‌سی، غلامحسین فرنود جنابلارینین اعدام‌دان و آغیر زیندانا محکوم اولماماسینا مهم ندن اولدو.
دکتر غلامحسین فرنود اؤلن گونه قدر ساغ، سول و آشیری تورکچو و فارسچی اولمادان، فارس دیلی محور اولاراق دونیا ادبیاتی‌نین خدمتینده ایدی. ایران ادبیاتی ۶۰ ایل سوره ده بئله ایتگی گوُرمه‌میشدی.
بو عالیم، فاضیل، مهربان، صادق و صمیمی اینسانین الدن وئرمه‌سینی دونیا ادبیاتچیلارینا باش ساغلیغی دئییریک.

آنااوجاغی ادبیات اوجاغی طرفیندن
۱۳۹۸/۱۳/۲۵

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

«غلامحسین فرنود» اینسان گلدی، اینسان گئتدی…/ حمید احمدزاده

ایشیق
www.ishiq.net

آذربایجان ادبیات و اینجه‌صنعت سایتی

«غلامحسین فرنود» اینسان گلدی، اینسان گئتدی…/ حمید احمدزاده

ایشیق
www.ishiq.net

آذربایجان ادبیات و اینجه‌صنعت سایتی

«غلامحسین فرنود» اینسان گلدی، اینسان گئتدی…/ حمید احمدزاده

ایشیق
www.ishiq.net

آذربایجان ادبیات و اینجه‌صنعت سایتی