«اسماعیل خرمی»دن ایکی کیتاب نشر ائدیلمیشدیر

آذربایجان ادبی حمعیتینده اؤز اثرلری ایله اوخوجو رغبتینی قازانان شاعر «اسماعیل خرمی‌»نین ایکی کیتابی نشر ائدیلمیشدیر.
شاعر اسماعیل خرمی‌شعردن باشقا گؤزل قیسا حئکایه‌لر موللیفی کیمی‌ده ادبی جمعیتیمیزده تانینیر. شاعرین بیرینجی حئکایه‌لر مجموعه‌سی «ایاق اوسته اؤلولر» عنوانی آلتدا ۱۰۰۰ نوسخه‌ده «ساوالان ایگیدلری» نشریاتی طرفیندن یاییلمیشدیر. بو کیتابلا برابر شاعرین شعر توپلوسو دا «سسیمده مزارلیق قاناییر» باشلیقی آلتیندا همن انتشارات طرفیندن ۱۰۰۰ نوسخه‌ده یاییلیبدیر.
تانینمیش شاعریمیزین یئنی یاییلمیش اثرلرینی تبریز، پارس‌آباد، خیاو(مشگین‌شهر)، اردبیل، تهران و ارومیه شهرلرینده آذربایجان دیلینده نشر ائدیلمیش کیتابلاری ساتان کیتاب ماغازالاریندان الده ائتمک مومکوندور.