amzik
امزيك …
كامران داداش اوغلو

بيري وارميش، بيري يوخوموش. نجات آديندا بير اوغلان وارميش. هله بو زيرك اوغلان دونيايا گلمه‌ميش، آناسي بازاردان كئچيرميش. گؤروركي بير ياراشيقلي قادين، گؤزه‌ل – پارلاق قيرميزي رنگلي خارجي امزيک ساتير، خوشونا گلير، بيريني آلير.
گؤرور كي ساققاللي بير كيشي قيشقيرير:
– امزيك، خارجي امزيک!
پارلاق ساري امزيك اونوندا خوشونا گلير، بيريني آلير. بو واخت نجات آنا بطنينده اوچ آي‌ايميش، كئف چكيرميش. اوچ آي‌دا كئچير. يئنه بيرگون نجاتين آتاسي تله‌سه – تله‌سه اجلاسا گئديرميش. قارشيسينا جاوان بير اوغلان چيخير.
– عمي، عنتيقه خارج امزييي وار، آلمازسان ؟
– نييه آلميرام، – دئيه اوغلانين گؤستردييي ياشيل، پارلاق امزييي آلير، جيبينه قويور و گولومسه‌يير. امزيك اولور اوچ …
گونلر كئچير. آنا احتياط تدبيرلري گؤرور. او جومله‌دن بير نئچه دنه عادي امزيك‌ده آلير. بلي، گون او گون اولور كي، نجات آنادان اولور. دوغوم ائوينده دينجيني آليب، راحاتلاناندان سونرا اؤز ائولرينه قدم قويور، عزيزله‌نير. هره اؤز آلديغي امزييي اوشاغين آغزينا دؤرتمه‌يه چاليشير. لاكين نجات ياراشيقلي، پارلاق امزيكلرين هئچ بيريني آغزينا آلمير، عنادلا رد ائدير، ياپيشير اون تومنليک امزيكدن، سوركي سوراسان. آتاسي‌دا دئيير:
اصيل كيشي‌دير، ايسته مير ياد ماليني …