sharak
صولحون دونیاسی‌دیر بيزيم دونیاميز
حسین شهرک

صولحون دونیاسی‌دیر بيزيم دونیاميز
سئوگي بوياسي‌دير بيزيم دونیاميز

بيرلشيب، آيريليب گئديب- گلمه‌يين
اؤيره‌نيب، اؤيره‌ديب گؤروب- بيلمه‌يين
كوسوب، باريشماغين دئييب- گولمه‌يين
قانون قايداسي‌دير بيزيم دونیاميز
صولحون دونیاسی‌دیرر بيزيم دونیاميز

ييغينجاقلار اوردا سازلي، سؤزلودور
انسانلار خوش باخيش، گولر اوزلودور
گؤزلري ماوي‌دير، آي- اولدوزلودور
آنا لايلاسي‌دير بيزيم دونیاميز
صولحون دونیاسی‌دیرر بيزيم دونیاميز

كينه، عداوته اوردا ميدان يوخ
کؤنولسوز، دویغوسوز هئچ بير انسان يوخ
شيطنت اولسادا اوردا شيطان يوخ
رحمت درياسي‌دير بيزيم دونیاميز
صولحون دونیاسی‌دیر بيزيم دونیاميز

بولاغي، استعداد لياقت‌لرين
خوش سؤزون، نغمه‌نين، خوش عادتلرين
هله‌ليك صداقت، ظرافت‌لرين
مهمانسراسي‌دير بيزيم دونیاميز
صولحون دونیاسی‌دیر بيزيم دونیاميز

انعكاس يئريدي هيجانلارين
یاشلی اوشاقلارين، نوجوانلارين
بوتون مكتب‌لرين، آرمانلارين
آنا- آتاسي‌دير بيزيم دونیاميز
صولحون دونیاسی‌دیر بيزيم دونیاميز

هئي- هئيي، هاي- هايي چؤلون، چوبانين
قيشلاغي، يايلاغي ائلين، اوبانين
آغ ساققال، آغ بيرچك آنا- بابانين
خئير- دعاسي‌دير بيزيم دونیاميز
صولحون دونیاسی‌دیر بيزيم دونیاميز

ايپك بولودلارلا گؤيلره اوچان
خيال‌لا گومان‌لا قول- قاناد آچان
سرحدلري پوزان، مرزلری كئچن
توراج، دورناسي‌دير بيزيم دونیاميز
صولحون دونیاسی‌دیر بيزيم دونیاميز

بيزيك حرارتي ايستي قوجاغين
آختارين صفانين بيزده سوراغين
بشر آيين- شايين ياشايان باغين
قیزیل آلماسي‌دير بيزيم دونیاميز
صولحون دونیاسی‌دیر بيزيم دونیاميز

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4