عشق حديثي/ شهرك«ميرزا»

مرام عشق‌ده ال چكمك اولماز عهد و پيماندان

كئچنمز عهد و پيمانيندن عاشيق، ال چكر جاندان

طبيبه سؤيله‌يين ييغ گئت بساط طب و درماني!

مريض عشقه صحبت ائيله‌مك بيجادي درماندان

چاپانماز داغلاري فرهادلر، گر اولماسا شيرين،

اولانماز بولبول آيري، قونچادان، گول‌دن،‌گولوستاندان.

دئيين مجنونلاري بند ایله تهدید ائيله‌ين بيلسين

مگر آزاد اولار ديوانه‌لر زنجير و زينداندان؟!

حديث عشق‌ده وار بير يامان درد آيريليق دردي؛

يئتيشسه شمعه پروانه، دوشر فرياد و افغاندان

بو آيريلميشلارا هر كيم وصالين مژده‌سين وئرسه

وئررلر موشتولوق جاني، قيصاص آلماقدا هيجراندان.

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4