mojtaba nahani
سنسیزلیک‌لر(۲۰)
مجتبی نهانی

(۱)
باشیمدان قالخدی-
آیریلیق
باغلاسام
بیر حبّ آتسام
کئچمیر کی یوخلوغون

(۲)
یولومو باغلاییب-
قیرمزی دوداقلارین
یا اؤپ
یا چکیل

(۳)
چیلپاق یاش باخیشیندا
هئی یاغیش تؤکولور باشیمدان
آنامدان اولدغوم زاماندان بری
دورمور…دورمور…دورمور
سئل آپاریب هر شئییمی
باخیرام…
نه قده ر یوخموشام حیاتیندا

(۴)
ائویمده اولدوز وار
چؤره‌ییمده دوز
یوخدا وار وار
سن کی وارسان

(۵)
سویون دؤیونتوسونه-
آیاقلارین سس وئریر
ماوی‌لشیر دویغولاریم

(۶)
شیدیرغی یاغیر
سنسیزلییین ایلک گئجه‌سی
دونیانین گؤزوندن، یاش
باشقا یئر یوخ
هر هارایا گئتسم
یوخلوغون بوینومدان آسیلی‌دیر

(۷)
آغ گولون
آسقیدا
کوینه ییم
سنده

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4