fariba mortazai
چیلله‌لیک‌
فریبا مرتضایی

(۱)

ناردیر اوره‌ییم؛
یوخلوغونا چاتلاییر
بو اوزون گئجه‌ ده.
دویغولاریم قان آغلاییر؛
دؤن گل!
گؤزلریم اووجلاریمدان-
اته‌ییمه آخیر.

(۲)
قارپیز شیریندیر،
سنسیزلیک آجی.
سویوقدور قوردوغوم کورسی…
نئجه
دیلیم- دیلیم ائله‌ییم
چیلله – چیلله دئدییمیز –
اوزون گئجه‌نی؟!

 (۳)
بو اوزون گئجه‌ده
سنسیزلیک
منی اؤلدوره‌جک؛
بیر آه یوللا چیلله‌لیک
باشیما چکیب یاتیم.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4