Home / ساتیرا / دونیا ناناش- ناش اولاجاق / خئیراله حق‌بیگی(ساپلاق)

دونیا ناناش- ناش اولاجاق / خئیراله حق‌بیگی(ساپلاق)

saplag
دونیا ناناش- ناش اولاجاق
خئیراله حق‌بیگی(ساپلاق)

اشی دور بورجودالیم دونیا ناناش- ناش اولاجاق
عمو سام هر نه دئییر‌هامیسی بیر باش اولاجاق

دونیادا حاکیم اولور تازه نیظام، تازه اویون
جاز‌هاواسی‌لا بیریک اوینایاجاق قوردلا، قویون
هله بوندان سورادیر چال‌‌ها چالین، سوی‌ها- سویون
وارلی‌لار یوخسول ایله لاپ بئله قارداش اولاجاق
اشی‌ دور بورجودالیم دونیا ناناش- ناش اولاجاق

بئله بیر نظم‌ده یوخدور داها شئیطانین الی
ائله تنظیم اولونور سرمایادارلیق تملی
«آغ سارای»‌دان نه یئره بیر بالا پورسوق دئیه‌لی
هر دوواردان یوخاری دیرماشا- دیرماش اولاجاق
اشی‌دور بورجودالیم دونیا ناناش- ناش اولاجاق

گر چی هر یئردن حقیقت سئون اینسان تالانیر
امن- آمانلیق یئرینه قان بئشییی ییرقالانیر
هاردا زحمت چکن اینسان گوروسن آج دولانیر
وارلی‌نین قیسمتی بو اورتادا داش- قاش اولاجاق
اشی‌دور بورجودالیم دونیا ناناش- ناش اولاجاق

ایضاح:

ساپلاق ۱۳۲۰نجی گونش ایلینده آذربایجانین هریس ماحالیندا اکینچی بیر عائله‌ده دونیا گؤز آچمیشدیر. بیر چوخ آذربایجانلی عائله‌لر کیمی‌هله یئنی‌یئتمه یاشلاریندان عائله‌سی‌ایله بیرلیکده تهرانا کؤچمک مجبوریتینده قالیر. بو شهرده دیپلم آلیر و ارتش‌ده استخدام اولور. آنجاق بیر مدتدن سونرا بو ایشدن آزاد ائدیلیر.
ساپلاق بیر خالق سئور و آزادلیق اوغروندا دؤیوشن آذربایجان شاعری کیمی‌اسلامی‌انقلابادک چوخلی ساتیریک شعرلر مولفی‌اولور. اونون شعرلرینین اکثریتینی فاناتیزم علیهینه اولان اثرلر تشکیل ائدیر. انقلابدان سونرا “هریس‌دن بیر سس” (۱۳۵۸) و “من گونش وورغونویام” (۱۳۶۹) آدلی غیر ساتیریک اثرلری چاپ اولور. آنجاق اونون صنعتکار کیملیگی اولان ساتیریک اثرلری‌نین اکثریتی هئچ وقت ایشیق اوزو گؤرمور. ساپلاق انقلابدان سونرا کرج شهرینده بیر سیرا دوستلارینین اشتراکیلا “فرخی یزدی” آدینا ادبی انجمنین قوروجولاریندان اولور و ایللر بویو بو ادبی انجمنینن اداره هیاتینده چالیشیر. آذربایجانیمیزین بو شاعیر اوغلو ۱۳۸۸نجی ایلده وفات ائدیر. 

About ایشیق

One comment

  1. سلام به شما وقت بخیر…
    خسته نباشید عرض میکنم بابت مدیریت این مجله بکر و دیدگاهی که از بزرگان آذری زبان به علاقه مندان میدید.
    احساس کردم در مجله فاخر شما جای شاعر معاصر و توانای هریسی خالیست..جناب کمال پیری آذر هریس که منظومه نفیس بیزیم ساپلاق رو در دست چاپ و انتشار دارند.
    این منظومه اصیل توسط آقای تقی زاده نیسگیل ویراستاری شده و احساس میکنم خیلی خوب میشه اگه بهش پرداخته بشه.
    اگه اطلاعات و اخباری هم مورد نیازتون بود درباره این شاعر معاصر و این اثر فاخر در خدمت هستم.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *