فشارسيزلاميشام
حميد آرش آزاد

ايستي بير ياي کيمي قارسيزلاميشام!

کؤهنه باغ­لار کيمي بارسيزلاميشام!

نه وزيرم نه معاون نه وکيل

اودو بير عؤمر دولارسيزلاميشام!

ساکت ايلشمه­‌يين اي مسؤول­لار

گؤرمه­‌ييرسيز نه شعارسيزلاميشام؟!

تير آيي کئچدي کؤتک­لر آزاليب

من­ده دانشجو! فشارسيزلاميشام!

يوخدور هئچ مندن اطاعت ائله­‌ين

چوبانام سانکي داوارسيزلاميشام!

چون دؤنوب بعضي قارين­لار طبيله

او جهتدن بئله تارسيزلاميشام!

شعارا مشتري وار حق سؤزه يوخ

نئچه ايل­دير کي بازارسيزلاميشام!

ائل دئيه­‌ر: ديواريميز آلچاق اولوب

من کؤکوندن‌ده ديوارسيزلاميشام!

بير قوجا يئتميشيني صيغه ائديب

من جوان واختي نيگارسيزلاميشام!

آلتميش ايل­دير اؤلويم يوخدو پولوم-

وئرمه­‌يه قبره مزارسيزلاميشام!

پوللونون قارنينا موزدور کي گئدير

يوخسولام من­ده خيارسيزلاميشام!

کيشي­يم آمما يئر آلماسي کيمي

قورخاراق لاپ­دا دامارسيزلاميشام!

آديم «آرش»سه‌­ده سينميشدير اوخوم

توُرش يوغوردام کي بخارسيزلاميشام!