یوردوموزا یاز گلدی
دورنا، اؤردک، غاز گلدی
ایسته‌دیک چمن اکک
توخوم- تیله آز گلدی!
«سیزده»- ده یئردن دوردوق
بیر باغدا ییغوا قوردوق
گؤردوک بخت آچیلماییر
آغاجا دویون ووردوق!
کرامته گیردیلر
بیزی سئویندیردیلر
«اردی بهشت» آییندا
بایراملیغی وئردیلر!
یوخسادا لاله- نرگیز
گئنه یازلاندی تبریز
«باریش»- دا یاغیش یاغدی
«نصف راه» اولدو دنیز!
بولوت‌لار یاغیش الیر
آسفالتین جانین دلیر
«میدان چایی» بوش قالیب
خیاوان دا سئل گلیر!
آلقیشلایاق باهاری
گؤروم قوروسون تاری
یاغیش یویوب هر یئری
پوز وئریر شهرداری!
