چئویرن: ایشیق
ترجمه: ایشیق
ایشیق


sabahiodulu
“صباحی” ایللیک اؤیکو اؤدولو
(بیرینجی ایل-۱۳۹۲)

 ایمیل واسطه‌سیله الیمیزه چاتان بیر خبره اساسن, اونودولماز آذربایجان یازیچیسی اوستاد گنجعلی صباحی آدینا, بو ایل حیکایه اوزره ادبی یاریشما کئچیریله‌جک. یاریشمانین آپاریجیلارینین آدلاری هله تام آیدینلاشماییبدیر, آنجاق بیزیم (ایشیق سایتی‌نین) موضوع‌ایله‌ ماراقلانمامیز و خبری گؤنده‌‌رن دوستلاردان اطرافلی معلومات ایسته‌مه‌ییمیز بئله جاوابلاندی:

  • صباحی اؤدولو یاریشماسی‌نین اجرایی هیئتی هله کامل صورتده معین‌لشمه‌ییبدیر، آنجاق بو هئیتین ایکی عضوی “ابوذر جعفری” و “آتابای تیکان تپه‌لی”دیرلر.
  • اؤدول: بیر میلیون تومن (هیئت ژوری طرفیندن بیرینجی و ان یاخشی اؤیکو اوچون)
  • (ایلک اون اؤیکو اوچون یادیگارلیق هدیه و تقدیر لؤوحه سی وئریله‌جک.)
  • اثرلرین گؤندرمه مؤهلتی:  ۳۱ شهریور ۱۳۹۲
  • یاریشمانین سونوجو اعلان ائدیلن گون:  ۱ آذر ۱۳۹۲
  • اثرلر آذربایجان تورکجه‌سینده و عرب الیفباسیندا یازیلمالی دیر.
  • هر یازیچی بیر اثر گؤندره بیلر.
  • اثرلرین ایندی‌یه‌دک باشقا یئرده (کیتاب، درگی، سایت) چاپ اولونماماسی گرکلی دیر.
  • حیکایه لر word دا تایپ اولونوب، بو آدرسه گؤندریلمه‌لی‌دیر:  sabahi.odulu@gmail.com
  • اثرله بیرلیکده اؤزونوزدن بیر قیسا بیوگرافی گؤندرین.(شکیلینیز، تیلفون نومره‌نیز اونوتولماسین)
  • ایلک اون حیکایه بیر کتابدا چاپ اولونوب یاییلاجاق.
  • یاریشمانین خبرلری بو عنواندا یاییلماقدادیر: http://sabahiodulu.blogfa.com

 

“صباحی” اؤیکو اؤدولونون اجرایی هیئتی

چاپ

2 پاسخ

  1. سلام.بو اودولو قوران اینسانلار آذربایجانیمیزین مدنیتینه، ادبیاتینا وورغون اولانلاردان اولاراق بو یاریشمانی پلانلاشدیریب لار. بیزیم جه اونلارا یاردیم ائتمک یئرینه، تخریب ائتمه لری یاخشی بیر داورانیش دئیل. آد آپاردیغینیز آدلار بیزیم دَیَرلی و آدلیم یازیچیلاریمیزدیلار و بیز اونلارین هامیسندان و باشقا ادبیات سئورلریمیزدن بو یاریشمانین ژوری هیئتینه و یا اجرایی هیئتینه قاتیلمالارین ایسته ییریک. آذربایجان ادبیاتی اوغروندا هر بیر کیچیک آددیم دا اؤنملی دیر. بیزیم آماجیمیز ادبیاتیمیزین ایره لی لشمه سی دیر. بو یاریشمانی بیز قوردوق و باشقا دوستلار دا باشقا بیر یاریشمالار قورا بیلرلر، اولسون هر بیر یاریشما تحکیه ادبیاتیمیزا بؤیوک بیر تاثیر بوراخسین. یاشیاسیز.

  2. سلام. بو اودولو قوران دوستلارین اویکو و حئکایه عالمینده و معاصر ادبیاتیمیزدا کی یئرلری بیر کیمسه یه آیدین دیرمی؟ ایکی نفر بیر اجرایی هیئت قوروب ، صباحی کیمی بیر قدرتلی یازیچیمیزین آدیندان فایدالاناراق بیر اودول قورا بیلرلرمی؟ بو حاقدا بیر آز دقتله یاناشمالییق. بیزیم منظوری، نورانلی، مجدفر، ایواز طاها،حبیب فرشباف ،کاظمی، اسماعیل هادی و بئله – بئله حئکایه یازارلاریمیز اولا- اولا بو ایکی نفر هارادان تاپیلیب اودول قورماق نیتینده دیرلر؟

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

“صباحی” ایللیک اؤیکو اؤدولو(بیرینجی ایل-۱۳۹۲)

ایشیق
www.ishiq.net

آذربایجان ادبیات و اینجه‌صنعت سایتی

“صباحی” ایللیک اؤیکو اؤدولو(بیرینجی ایل-۱۳۹۲)

ایشیق
www.ishiq.net

آذربایجان ادبیات و اینجه‌صنعت سایتی

“صباحی” ایللیک اؤیکو اؤدولو(بیرینجی ایل-۱۳۹۲)

ایشیق
www.ishiq.net

آذربایجان ادبیات و اینجه‌صنعت سایتی