چئویرن: ایشیق
ترجمه: ایشیق
ایشیق

vahedi
صولحه گلین ای اینسانلار!
حسین واحدى

(۱)

آى اینسان اوغلو، نه ائدیرسن، نه‌یى دوشونورسن؟ نه‌یى کیمه وئرمک ایسته‌ییرسن؟ نه‌یى کیمدن آلیرسان؟ اؤزونه دؤن، اینسان اوغلو! اینسان یاشا! آدینى اینسان قویوبسان، باریشى ایسه فقط کاغیذ اوستونه یازیسان!

باخ:

 بورا فلسطین‌دیر، گؤزل بیر اؤلکه، باریش ایسته‌ییر، اینسان اوغلو گؤرورسنمى؟

 بورا ایسه قاراباغ‌دیر. جننتین بیر بوجاغى. یئنیدن چیچکلنمک ایسته‌ییر. اؤز وارلیغى آذربایجان لا، بیرگه یاشاماق ایسته‌ییر.

بورا میانمار، اینسانلار گوناه ائتمه‌دن یانار! باخیرسانمی؟

بورا آفریقا، آج یاتیر اوشاقلاری، سن قارنینی دولدورا بیلیرسنمی؟

بورا عیراق، اورا میصیر، ساغیمیزدا افغانیستان، سن هئچ قورخما، یئرینده دور، بیرآز دایان!

سولوموزدادیر لبنان!

اینسان اوغلو سورگون‌لرى گؤرورسنمى؟  کؤرپه‌لرى، یاشلى‌لارى، قادین‌لارى،گؤرورسنمى؟

بورا عیراق‌، افغانستان، بورا کئشمیر، تونئس، سن بیر دایان!

 آفریقادیر بورا، اورتا دوغو، بورا جاهان.

هئچ اولماسا بونو ائشیت، همده اینان:

 اینسان‌لار باریش ایچینده یاشاماق ایسته‌ییرلر. اینان. اینان.

(۲)

دولاندیم، گزدیم بوتون دونیانی. گؤردوم اوندا اولان هر یانی. سونوندا بیر تک اینساندان قورخدوم. اؤز سویون قیریب، آرادان آپاران یالنیز اینسانی گؤردوم. هر گون بومبالار سالان، سوچسوز کؤرپه‌لرین ائوینی ییخان! تکجه اینسانی گؤردوم. دوستونون آیاغی آلتینی قازان، ییخیلارسا آرتیق بیر تپیک ووران، فقط اینسانی گؤردوم. قونشوسو آج یاتسادا، تکجه اؤز قارنینی دولدوران، فقط، اینسانی گؤردوم.

تاریخ‌لری ورق‌له‌دیم. یئنه دونیادا اؤز ائوینی ییخان، واللاه یالنیز اینسانی گؤردوم!

آلدادیریق اؤزوموزو! حئیوان آدیندان قاچماغا، اینسان آدینی سئچمیشیک. نه بیلیم، اولا‌بیلر، یازیق حئیوان‌لارین آدی کورلانماسین دئیه اؤزوموزه اینسان دئمیشیک!

(۳)

تانریم،

منه دینجلیک وئر، سئومک، الدن یاپیشماق، اؤز گوونج، یولداشلیق، باریش سئورلیک و بوتون گؤزلیک‌لری وئر…

بوتون اینسانلاری سئومک ایسته‌ییرم، باریشی، گؤزل‌لییی اونلارلا پایلاشماق ایسته‌ییرم…

عزیز تانریم، نه گؤزل اولار بئله یاشام،

یولداش اولوب، باریش ایچینده ال- اله وئریب سئوینج له یاشایاق…

اوشاقلاری سئوک، سینیرلاری قالدیراق، اورکلره ایشیق ساچاق، کیمسه‌یه ضرر وئرمه‌ییب، الدن توتاق، بیر-بیریمیزه گولمک یئرینه، بیرگه گولک، سئوینجی بوتون گؤیه، یئره سه‌رک…

عالم گؤزل، حیات گؤزل، سئونلرین گؤزلرینده…

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

صولحه گلین ای اینسانلار!/ حسین واحدى

ایشیق
www.ishiq.net

آذربایجان ادبیات و اینجه‌صنعت سایتی

صولحه گلین ای اینسانلار!/ حسین واحدى

ایشیق
www.ishiq.net

آذربایجان ادبیات و اینجه‌صنعت سایتی

صولحه گلین ای اینسانلار!/ حسین واحدى

ایشیق
www.ishiq.net

آذربایجان ادبیات و اینجه‌صنعت سایتی