ائلین اونودولماز عاشیقی، عاشیق درویش
حسین واحدی
توز باسیب ائشیتمیر صدفلی سازین
گلمیر قولاغیما او خوش آوازین
قاریشدی تورپاغا صؤحبتین سؤزون
یانیرام سنده كی كامالا درویش
اورمیه‌نین آدلیملاری كیتابیندان رحمتلیك عاشیق «درویش»-ین یاشامینی اوخویوب قورتولاندان سونرا اوره‌ییمی غم باسیب اوره‌كدن آه چكدیم. ندن بئلنچی بیر اینسانلاریمیز اونودولوبلار؟!! بونا گؤره ماراقلاندیم عاشیقین كندینه گئدیب، قبرینی زیارت ائدم. یولداشلاریمین بیریله بو قونویو آرایا قویوب اونون كندینه گئتمه‌یی قرارا گتیردیك.
قراریمیز جومه گونونه‌ایدی و زامانین اوچدوغونا گؤره بو گون تئزلیكله گلیب چاتدی، گون اورتادان سونرا «كوردلر» كندینه ساری یوللاندیق. كند اورمیه‌نین چیچست یولونون 5 كیلومترلییینده‌ایدی. كنده یئتیشیب، اورادا یاشایانلاردان قبیرسانلیغین یولونو سوروشدوق. نئچه دقیقه‌دن سونرا كنددن آزجا ائشیكده اولان قبیرسانلیغا یئتیشدیق. تورپاقلی بیر یول و سسسیز بیر آخیرت ائولری.. آخیرته قاووشانلارا بیر فاتیحه وئرندن سونرا، تله‌سه‌رك تئز قبیرلری بیر- بیر آختاریب یازیلارینا دقت ائدیردیك، آما رحمتلیك درویش-ین قبیرینی تاپا بیلمه‌دیك. اورالاردان كئچن بیر چوباندان عاشیقین قبیرینی سوروشدوق و كاشكی سوروشماسایدیق!چوبان او كندین یاشایانلاریندان اولاراق عاشیقین قبیرینی تانیمیردی!!
نئیله‌مك دئمه عاشیق ائله اؤز كندینده‌ده غریب‌ایمیش. گؤی‌ده بو غریبلییه دؤزه بیلمه‌ییردی و آغلاماق ایسته‌ییردی.. اومودلریمیزی پوزمایاراق، بیرینین یولدان كئچمه‌سینی گؤزله‌ییردیك. او آندا بیر پیكان قبیرسانلیغا ساری گلدی. دئمه تانری یئتیردی! بیزیم یانیمیزا یئتیشنده اوندان عاشیقین قبیرینی سوروشدوق و شوكورلر اولسون سوروجو قبیری تانییرمیش و اونو بیزه گؤسته ره رك اؤزوده بیزیمله قبیرین یانینا گلدی، اللی یاشیندا اولان او معرفتلی بی بیزه حؤرمتله یاناشیب، عاشیقا فاتیحه گؤندرندن سونرا آزجا اونون یاشامینی بیزیم اوچون آچیقلادی و سورولاریما جاواب وئردی.
رحمتلیك عاشیق درویشین قیساجا یاشامیندان بئله دئمك اولار:
عاشیق درویش فرهاد اوغلو 1309 – نجو گونش (شمسی) ایلینده اورمیه‌نین «كوردلر» كندینده دونیایا گؤز آچمیشدیر. او ده‌یرلی اوستاد عاشیق فرهاد كیمی آذربایجانین سنتی موسیقی‌سینین آدلیملاریندان ساییلیر. عاشیق درویشین گؤزل، ایستی و صمیمی سسینه گؤره عاشیق فرهادین شاگیردی اولموشدور. درویش چالان ساز سسی جانلارا كئچیب و گؤزل سسیله اونودولموش اثرلره جان باغیشلاییردی. بو اونودولماز اوستاد 1372 ـ نجی ایلین قویروق دوغان(مورداد) آیینین دوققوزوندا، گؤزلرین دونیایا یوموب، اؤز دوغوم یئری اولان «كوردلر» كندینده تورپاغا تاپشیریلدی. عاشیقین تشییع جنازه‌سینده ایینه سالماغا یئر یوخویموش و بو اونون خالق ایچینده نه قده‌ر سئویملی اولدوغونو گؤستریردی.
عاشیق درویش یاشام بویو (همیشه‌لیك) آذربایجانین سنتی موسیقی‌سینی سئورلرین اوره‌یینده قالاجاقدیر و بو سس اورمیه اوچون قالارگی بیر سس اولوبدور. رحمتلیك درویش ایرانین بوتون میللی موسیقی فئستیواللارینا قاتیلب و یوكسك یئرلره ال تاپیب، اؤدول لر قازانیب‌دیر. او نئچه ایللرده اورمیه رادیو، تلویزیونویلادا ایش بیرلیگی آپاریبدیر. او ده‌یرلی اوستاد چوخلو شاگیردلرده موسیقی دونیامیزا تربیه ائدیبدیر. اونلاردان، عاشیق اسمعلی (اورمیه – اونون بیرینجی شاگیردی)، عاشیق صبور شریفی (اورمیه)، عاشیق عبدالله اشرفی (قورد تپه)، عاشیق ذكریا ملكی(قولونجو)، عاشیق رضا پوینده (سولدوز) و …آد آپارماق اولار.
عاشیق درویش، متین، ویقارلی و عاریف بیر كیشی ایدی، دئمك اولار او خصلت ایله صنعت ده، اصیل و نمونه بیر عاشیق و اوزان‌دیر. رحمتلیك درویش عاشیق صنعتینده اؤزونه مخصوص اولان نئچه هاوا یادیگار قویوب. اونلاردان «شكر یازی هاواسی» و «غربتی هاواسی»- نی آد آپارماق اولار. بو هاوالار ایندیده اورمو عاشیقلارینین آراسیندا چالینماقدادیر.
سونوندا دئمه‌لییم بئلنچی اینسانلاریمیزا سایغی گؤسترملی‌ییك و اونون شانینده اولان بیر مزارلیق تیكیب، هئچ اولماسا آدینا بیر خییاوان یارادیب، هئیكلین پاركلارا قویمالییق.
14 پاسخ
سلام یورولمییاسیز چوک ایی بیر مکتولاریذ واردیر اما آشیق مناف دان دا یازین،رحمتلیک دده کاتیب یازان کیمین ساغلیغیندا بیل دوستون قیمتین اولندن سونرا آغلاماغی نیلیرم
یاشاسین یورولمادان قلم چالان دوستوموز حسین واحدی بیگ. بیز ایللر بویو مشخص و هامییا تانیش اولان آدلاری گوروردوک. آنجاق ایندی بئله – بئله جاوانلارین گونو گوندن آرتمالاری دیلیمیزین دیرچلمکده اولان گونلرینی گوستریر.حسین واحدی دن ایللردن سونرا بیر داها عاشیق درویشین آدینی دیریتدیگی اوچون تشکر ائدیرم.
سلام
عاشيق درويشه رحمتلر آرزولورام اينسانلارين اورگيني شاد ايلين بير عاشيقي دي اما بيلميرم نيه بوجور بويوك اينسانلارين كتابلاري اشيك ده يوخدي
سلام
آشیق درویش آذربایجانین لاپ مشهور آشیقی دیر
الله رحمت السین. همیشه رادیو پخش ائلر سسینی. من چوخ ایسترم اونو.
مراسم بزرگداشت نوزدهمین سالگرد درگذشت آشیق درویش وهابزاده
طی مراسمی دوشنبه 9 مرداد 1391 در سالن صفی الدین اورموی حوزه هنری سازمان تبلیغات اسلامی(پنجراه جنب استانداری) مراسم بزرگداشت نوزدهمین سالگرد درگذشت آشیق درویش وهابزاده خواهد شد. این مراسم به مدت دو ساعت و از ساعت 17-19 ادامه خواهد داشت. در این بزرگداشت 4 تن از شاگردان آن مرحوم به اجرای موسیقی آشیقی خواهند پرداخت و شاعران نامداری چون محمود شامی، بهرام اسدی ، ایرج بهزادنیا و تنی چند از شعرا در فراق این آشیق بزرگوار به قرائت اشعار خود خواهند پرداخت. ارائه مقاله توسط دوتن از محققین و نویسندگان جوان اورموی بخش دیگری از این مراسم خواهد بود. احمد اسدی و حسین واحدی هر کدام طی مقالاتی بخشی از زندگی هنری و جایگاه اجتماعی این آشیق و تأثیرگذاری وی بر مکتب آشیقی اورمیه را برای حضار قرائت خواهند نمود. نقل خاطره توسط دوستان نزدیک ،قرائت شعر مرحوم آشیق عزیز شهنازی در فراق آشیق درویش،پخش کلیپهای تصویری از آشیق درویش، حضور خانواده آشیق درویش، نواختن ساز وی توسط شاگردانش بعد از 19 سال و پخش بروشورهایی با موضوع آشیق درویش از دیگر بخشهای این مراسم خواهد بود.
همچنین لازم به یادآوری است که قبل از این مراسم و در ساعت 10 صبح از جلوی حوزه هنری سازمان تبلیغات اسلامی(پنجراه-جنب استانداری) مینی بوسهای در نظر گرفته شده به سوی مزار این آشیق بزرگوار در روستای کردلر حرکت خواهند نمود و متعاقب مراسم بزرگداشت آشیق درویش مزار این استاد گرامی توسط کانون آشیقهای آذربایجان غربی و حوزه هنری استان آذربایجان غربی بازسازی و مرمت خواهد شد.
این مراسم توسط حوزه هنری آذربایجان غربی و با تلاش و پیگیریهای احمد اسدی نویسنده و محقق موسیقی آشیقی و همچنین با مساعدت و یاری مسئول واحد موسیقی حوزه هنری استان آذربایجان غربی آقای داریوش علیزاده برگزار میگردد و از همه دوستداران موسیقی آشیقی و ارادتمندان و علاقمندان آشیق درویش برای حضور در این مراسم دعوت میگردد. روحش شاد.
سلام
بو گؤزل یازیا گؤره تشکر ائدیرم. آقای حسین واحدی چوخ ساغ اولون. آشیق درویشه همیشه رحمت اوخویارام. بیر بؤیوک بابام وارایدی, آشیق درویشین سسینی ائشیدنده گؤزلری دولاردی. او قدرگؤزل, حسرتلی و غریب سسی وارایدی.
بوجوره اوستادلار, تاریخده قالارگی اولاجاقلار.
سلام
آشیق درویش کیمی آشیق بیر داها گلمز… چوخ بؤیوک انسان ایدی… چاغداش آشیقلاریمیزین دئمک اولار آغ ساققالی و دده قورقودو ایدی….. آللاه رحمت ائیله سین…..
چوخ ساغ اولون – فایدا آپاردیق
آللاه او بؤیوک اوستادا رحمت ائله سین. اوستادین مزاری یازقیدا گلدیغیک کیمی اوجورسونا بیراخیلیب. بیر نفر یوخدو بئله آدلیم لاریمیزین مزارلیق لارینا یئتیشه و ساغ اولانلاریندا قدرین بیله!
سلام سیزین سایتی تازا گوردوم بو مطلبییز چوخ خوشوما گلدی اللریز آقرماسن
هامیسی مطلبلریز خوشدی و انشاالله لاپ خوش اولاجاخدی
سلاملار
بو گؤزل و دگرلی یازینیزا گؤره تشکر ائدیرم… چوخ ساغ اولون…
آشیقلار تاریخ بویو ائلین قایغیسیندا قالیبلار… رحمتلیک آشیق درویش، گئرچکدنده ائلین اونودولماز آشیغی دیر…
من اؤزوم شخصاً اورمودا عادی ملتدن آشیق کلمه سی اوستونده نه دوشوندوگونو سوراندا، چوخو دئییب آشیق کلمه سینی ائشیدنده اتوماتیک اولاراق، ذهنیمیزه آشیق درویش گلیر… آللاه آشیق درویشه رحمت ائتسین و قالان آشیقلاریمیزین جانینی ساغ ائله سین… انشاء الله بو ائلین اولو آشیقلارینین یوللاری ایتیب باتماز… آشیقلیق بیزیم معنوی ارثیمیزدیر، اونا گؤره ده آشیقلیغی قوروماق و آشیقلیغی اؤیره نیب گله جگه ساخلاماقدا هامی یا عائددیر.
واحدی جنابلارینادا درین تشکرومو بیلدیریره م.
گوله ناز،بلبل ائیله ر گوله ناز
بو دونیا بیر غم خانادیر آغلیان چوخ گولن آز
رحمتلیک آشیقین سؤزودور.
یاشا قارداش
عاشیغا رحمت سیزه جان ساغلیغی دیله ین – رضا همراز
salam
– chox gozal – ashiq elin sasi dir