ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

کريم حاجي‌زاده‌نين ياشايـيشينا بير باخيش/ ميرعلي سلامت

تبريزين اوستونو، آليبدير دومان

آلچاقدير شاه‌لاردان مرحمت اومان

كريم حاجي‌زاده، بؤيـوك رسام، آكتیور، 1302 شمسي ده، باكي شهرينده، دونيايا گؤز آچدي. ابتدايي تحصيلي‌نين بير حيصّه‌سيني باكي‌دا اوخودو، سونرا عاييله‌سي ‌ايله تبريز شهرينه گليب، تحصيلاتـينـي داوام وئريب, ابتدایی تحصيلاتـيني قورتاراندان سونرا، دانشسرايا داخيل اولوب، بيرينجي دفعه اولاراق، دانشسرانـين ماكئتـيني دوز‌لديب و چوخلو آلقيش‌‌لار قازانميشدير و لاپ كيچيك اولان زامان‌لاردان، قلم، رنگ و … رسّام‌ليقلا، ماراقلانميشدير.

ايكينجي دونيا محاربه‌سي باشلاناندان سونرا، شوروي حاكميتي، تبريزده بير مدرسه آچميشدير كي، كريم حاجي‌زاده اورادا، آد يازديريب و درسه مشغول اولدو. بو مدرسه‌ ده بير آغـير پروگرام شرايطه گؤره تدارك گؤرولموشدور. او جومله‌دن، «موللا نصرالدين» روزنامه‌سي‌نين يازيچي‌لاري و جمعي حركت‌لره بو مدرسه‌ده اوستونلوك وئريليردي. بو مدرسه، قديم، عسگر باققال ماغازا‌لاريندا داير اولموشدو: حاجي‌زاده اؤز همكلاسي «ماكويي»‌له برابر، «دومانلي تبريز» نمايشیني تاماشايا قويدولار. ماكويي ستارخان رولوندا و كريم حاجي‌زاده باقرخان رولوندا چيخيش ائتديلر.

بوندان باشقا او شعرلر(تبريزين اوستونو دومان آليبدي) و مدرسه‌ده مدني چاليشمالارلا برابر، پيشه‌وري جناب‌لاري‌نـين و آژير مجله‌سي‌نـين چاپ، يايين و ساير ايشلرينده ده اشتراك ائتميشدير.

 ۲4 ـ ۲5 ايل‌لريند‌ن سونرا، تهراندا ياشاييب يئنه ده ۲9-نجي ايل‌لرده تبريزه قايـيديب «اداره‌ي فرهنگ»ده استخدام اولور و رسّاملـيق معلمي عنوانـيندا ايشيني باشلايـير و سونرالار “رآل” آدیندا بير كارگاه شريعتي خياوانـيندا برپا ائدير و اوردا رسّاملـيغي تعليم ائدير.

دوكتور خانعلي، سرگرد شهرستاني‌نين اليله ميكروفون قارشي‌سيندا وورولاندان سونرا كريم حاجي‌زاده دوكتور خانعلي‌دن، بير پورتره تصوير ائدير. دوكتور خانعلي گولـله چيچه‌يي سينه‌سي اوسته، جيبينده قلم، بو حادثه‌نين صاباحي‌سي، «رآل» كارگاهي‌نـين ويترينينه قويولور. چوخلو جاماعات يـيغـيشير. آخشامي‌سي كريم حاجي‌زاده توتولور، نه كي مجسّمه، تابلو وار… ساواك يـيغـيشديرير.

بو زاماندان سونرا، تبريزين اوستوندن، بولود كئچنده ده كريم حاجي‌زاده توتولور. آخـيرينجي دفعه، 51-نجي ايلده زندانا دوشور و 57-نجي ايلده خالق طرفيندن آزاد اولور. بئله بير شرايط حاجي‌زاده‌نـين سياسي دوشونجه‌لريني كسكين‌لشديرير، اونو سياسي بير رسّاما چئويرير.

كريم حاجي‌زاده تبريزده مختلف سبك‌لرده، اكسپئرسيونيسم خصوصيله فوتوريزم (ايراندا بيرينجي دفعه اولاراق) اثر ياراديب. فوتوريزمين اصيل مضمونو حركت‌دن عبارتدير و رسّام حاجي‌زاده بوتون تابلولاريندا بو حركتي انقلاب‌لارين تصوير ائـتمه‌سينه چئويريب. اؤرنك اوچون بير تابلو، «توفاندي نيزاردا» بير قاميش‌لـيغي تصوير ائدير كي، قاميش‌لارين بند-بندي حركت‌ده تصوير اولونور. مختلف مملكت‌لردن اشتراك ائديلن بير سرگي‌ده او اثري «۲9 بهمن، ۲۲ بهمن، حركت جوهري، قيام كاوه و…» آدلانديرديلار.

بير تابلوسودا، «آفريقا قـيزارير» آدلانـير كي، بير فيليز اوزه‌رينده بير كرتنكله تصوير اولونور كي، آشاغـيدا گور اوجاق، ديري كرتنكله‌ني قـيزاردير. مختلف نظرلر سرگي‌ده بو تابلو باره‌سينده آرايا گلدي.

كريم حاجي‌زاده، ياشايـيشي و ياشاييشي‌نـين تأثيري او قده‌ر‌ گوجلو اولموشدور كي، ايندي ده ذهن‌لرده ياشايـير. قـيساجا، چوخ فشار آلتـيندا اولاندان سونرا «رآل كارگاه» دفتريني سحر ساتـيب، آخشام چاغي، شهناز خياوانـيندا اونون پول‌لارينـي پايلاميشدي. كريم حاجي‌زاده 67-نجي ايلين آبان آيي‌نـين 13-نده دونياسيني دييشدي.

اونون حؤرمتلي قارداشي صابر، حاجي‌زاده‌نـين درين دوشونجه‌لي، چوخ تأثيرلي خاطيره‌لريندن دئـيير:

«بير گون كريم منه دئـدي كي، آتيله‌ده منيم قوناغـيم اولاجاق، منه گل كؤمك ائله. من، مئيوه‌دن، چاي و سايره حاضيرلا‌ديم. من اؤز ايشيمله مشغول ايديم كي، ابولحسن خان اقبال آذر داخل اولوب، خوش- بئش‌دن سونرا سوروشدو كي، اوستاد هاردا؟ جواب وئريلدي كي، گلر. نئچه دقيقه سونرا آغ كؤينك، كراوات، قارا كوت چييـنـي‌نـين اوستونده اوستاد شهريار داخل اولدو. ايسته‌نيلدي كي، حيدربابادان اوخوسون. آدي اوره‌ك‌لرده يازيلـيب، قازيلان اوستاد، حيدربابادان اوخودو و اقبال آذر جناب‌لاري، ترنّوم ائـتدي. سونرا ايسه كريم حاجي‌زاده، حيدربابا داغـي‌نين اته‌يينده‌كي قويون- قوزولاري، چوباني و شهرياري همان هئيت‌له اولدوغو كيمي تصوير ائـتدي.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *