ایشیق سایتینا گؤندریلن خبر اساسیندا، تاسفله قوشاچای دوغوملو اورمولو شاعر «باباعلی جوانمرد» کانسر خسته‌لیگی سببیندن وفات ائتمیشدیر.
«باباعلی جوانمرد» 1332نجی ایل قوشاچایین اوچ تپه کندینده دونیایا گؤز آچمیش، آز بیر مدت ارتشده اولدوقدان سونرا امکلی اولوب و آزاد ایش ایله مشغول اولموشدور. «باباعلی جوانمرد» 1367نجی ایلدن جدی صورتده آذربایجان ادبیاتی ایله ماراقلانمیش و مختلف ادبی انجومنلرده فعالیت ائتمیشدیر. اونون ایندییه‌دک ۱۳ شعر مجموعه‌سی نشر ائدیلمیشدیر. او جومله‌دن: «وجدانی عذابا سالما»، «قره بادیمجان»، «حقیقت نامه»، «بیزیمده آللاهیمیز وار»، «گول اوره‌گین آچیلسین»، «یاریمیز گلدی»، «حقیقت‌نامه»، «بایاتیلار»، «وجدانی عذابا سالما دونیادا»، «نیسگیل» و «دیوان جوانمرد».