پروفسور دوکتور جواد هئیت دونیاسینی ده‌ییشدی

یاییلان خبرلره اساسن تانینمیش آذربایجانلی جراح، تورکولوژیست و “وارلیق” مجله‌سی‌نین مسئول مودورو پروفسور دوکتور جواد هئیت باکی‌ شهری‌نین مرکزی خسته‌خاناسیندا حیاتا گؤز یومدو. بیز “ایشیق”  (آذربایجان ادبیات و اینجه صنعت درگیسی) امکداشلاری، دونیا شهرتلی آذربایجانلی جراح و وارلیق مجله‌سی‌نین صاحیبی و مسئول مودورو جناب دوکتور جواد هئیت‌ین ایتگیسینی علم و ادبیات عالمینه و ائله‌جه‌ده مؤحترم عائله‌سینه و سئونلرینه “باشینیز ساغ اولسون!” دئییریک. دوکتور جواد هئیت‌ آشاغیداکی کیتابلارین موللیفی‌دیر:
۱- سیری در تاریخ زبان و لهجه‌های ترکی، چاپ‌های تهران، آنکارا، باکو؛
۲- نگاهی به تاریخ ادبیات آذربایجان، دو جلد، چاپ‌های تهران و باکو (به زبانهای فارسی، ترکی)
۳- مقایسه‌اللغتین، چاپ‌های تهران، باکو، آنکارا، کایسری (به زبانهای فارسی و ترکی)
۴- ادبیات شفاهی مردم آذربایجان، چاپ‌های تهران، باکو (به زبان ترکی با خط عربی و سیریلیک)
۵- نگاهی به تاریخ و فرهنگ ترکان، چاپ‌های تهران، آنکارا، باکو (به زبان ترکی)
۶- ادبیات‌شناسی، چاپ تهران و باکو (به زبان ترکی با خط عربی و سیریلیک)
۷- یئنی دیلچیلیک (ویژه نامه وارلیق – بهار ۱۳۹۳ با همکاری نشر بوتا)
۸- تاریخ فلسفه غرب، چاپ باکو (به زبان ترکی)
۹- ترومبو و فلبیت و درمان آن،
۱۰- جراحی عمومی،
۱۱- درسهای جراحی.

ایشیق – ادبیات و اینجه‌صنعت درگیسی
۲۲ مرداد ۱۳۹۳