آیری- سئچگیلیگه قارشی مبارزه آپاران آفریقالی یازیچی سوسدو
چئویرن: ایشیق
ترجمه: ایشیق
ایشیق
00:00
00:00

GORDIMER 1
آیری- سئچگیلیگه قارشی مبارزه آپاران آفریقالی یازیچی سوسدو

جنوبی آفریقا یازیچیسی و ۱۹۹۱ینجی ایل ادبیاتدا نوبل موکافاتینی قازانان، عرقچیلیگه و آیری- سئچگیلیگه قارشی اوزون ایللر مبارزه ائده‌ن خانیم “نادین گوردیمئر” ژوهانسبورگ شهرینده ۹۰ یاشیندا ابدی‌لیک سوسدو.
دونیا شؤهرتلی یازیچی و جنوبی آفریقا حیاتیندا ضد آپارتاید رومان یازیچیسی کیمی تانینان و نلسون ماندلانین اوتوبیوگرافیاسی‌نین یازیلماسیندا اونونلا یاخیندان امکداشلیق ائده‌ن خانیم گوردیمئر، ۱۹۷۴ینجی ایل “بوکر” ادبی موکافاتینی‌دا قازانمیشدی.
خانیم گوردیمئرین اثرلرینین اساس غایه‌سی، اون لار ایل جنوبی آفریقادا آپارتاید سلطه‌سینده یاشایان آفریقا خالقی‌نین آرزولاری، امل‌لری و عرقچیلیکدن اوزاق بیر حیات ترننومو‌دور. او آفریقانین ملی کونگره‌سی‌نین تانینمیش عضوی ‌ایدی کی یارادیجیلیق حیاتیندا قلم سیلاحی‌ایله آغ دریلی‌لرین آپارتاید حاکمیتینه قارشی مبارزه‌یه قالخدی؛ بئله کی جنوبی آفریقا رومان تاریخینی و دونیا ادبیاتیندا ایگیرمینجی عصر سیاسی رومان تاریخینی “گوردیمئر”سیز تصوور ائتمک مومکون دئییل.
خانیم گؤردیمئردن ۱۳ رومان، ۱۰ جیلد قیسا حئکایه‌لر مجموعه‌سی، ۱۵۰ مقاله و اون‌لار مصاحبه و دانیشیق نشر ائدیلیبدیر. اونون اثرلریندن ایکی کیتابی «خانواده جولای» و «تاراج» آدلاری‌ایله ایراندا فارس دیلینده یاییلیبدیر.

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

آیری- سئچگیلیگه قارشی مبارزه آپاران آفریقالی یازیچی سوسدو

ایشیق
www.ishiq.net

آذربایجان ادبیات و اینجه‌صنعت سایتی