مجید ایروانی(شمس)ین اللی ایل‌لیک مدنی فعالیتی دیرلندیریلدی
الیمیزه چاتان خبره اساسن خرداد آیی‌نین ۲۲سی پنجشنبه گونو تبریز شهر تئاتری‌نین اصلی سالونوندا (دانشسرا میدانیندا) تانینمیش “شمس” کتاب ساتیش ائوی‌نین مدیری مجید ایروانی (شمس)ین ۵۰ ایل اؤلکه مدنیتی‌نین اوغروندا ائتدیگی خیدمتلریندن تجلیل ائدیلیبدیر. بو تدبیر “دوستداران کتاب” جمعیتی‌نین آیلیق اجلاسی اثناسیندا کئچیریلیبدیر. تدبیرده ۸۰ یاشلی مجیدآغانین مدنی و اجتماعی فعالیتلریندن، ائله‌جه‌ده کیتاب و تبریزده کیتاب ماغازالارینین کئچمیش و ایندیکی دوروموندان تانینمیش آذربایجان یازیچی و اجتماعی شخصیتلریندن رحیم رئیس‌نیا، دکتر شکوهی، احمد پوری و جلیلی دانیشیبدیرلار. بو تدبیرده تبریزلی ترجومه‌چی احمد پوری جنابلاری “ترجمه‌پذیری شعر” موضوعسوندا دانیشیب، سونرا مجلیس اشتراکچیلارینین سورغولارینادا جاواب وئریبدیر. (خبرین سونو)
یک پاسخ
سلام بو گؤزل سایتی یولا سالدیغیزا گؤره چوخ ساغ اولون.
مجید آقا مدنیتیمیزه گؤره بؤیوک ایشلر گؤروب هر بیریمیزین وظیفه میزدیر اونون قدرین بیلک و اللری آغریماسین دئیک