چئویرن: ایشیق
ترجمه: ایشیق
ایشیق

tarlan 6 dey 92
اوستاد هاشم ترلان خسته‌خانادا … (سون دورومو)

خالقیمیزین مبارز شاعر اوغلو و آذربایجانین آذرلی گونلریندن یادگار اوستاد هاشم ترلان، دی آیی‌نین ایکینجی گونو بئیین اینفاکتی کئچیرمیشدیر و ایتدیلیکده تهرانین “مهر” خسته‌خاناسیندا حکیملرین طبی نظارتی آلتیندادیر. تاسوفله ۹۰ یاشلی اوستادیمیزین دورومو، خسته‌لیگی‌نین ایلک گونلریله مقایسه‌ده آغیر کئچیر. بیز سئویملی اوستادیمیزا جان ساغلیغی و بیر داهادا ادبی اجتماعیاتیمیزدا اؤز آلوولو شعرلریله چیخیش ائتمه‌سینی آرزو ائدیریک.

سون دورومو(۱): اوستاد هاشم ترلانین دوروموندا یارانان یئنی پرابلئم‌دن اؤتری، دوشنبه گونو تهرانین “امام حسین” خسته‌خاناسینا کؤچورولدو. اوستادین اینفاکت پرابلئملریندن علاوه، آغ جییاریندا دا پرابلئم یارانیبدیر.(۱۱ دی)

سون دورومو(۲): اوستاد هاشم ترلان بئیین اینفاکتی زمینینده ایندیلیکده فیزیوتراپیا کئچیریر؛ آنجاق اونون آغ جییاریندا یارانان اینفئکسیا هله‌لیک بیر پرابلئم کیمی دورور. اوستاد هله‌ده “امام حسین” خسته‌خاناسیندادیر.(۱۳ دی)

سون دورومو(۳): اوستادین بئیین اینفاکتیندان یارانان پرابلئملر او جومله‌دن: یادداشیندا و دانیشیق طرزینده اولان قصورلاردا اومید وئریجی مثبت نیشانه‌لر گؤرونور. آنجاق آغ جییارینداکی اینفئکسیا و بده‌نین ساغ حصه‌سینده یارانان سست‌لوق هله‌لیک یئرینده‌دیر. اولا بیلسین بیر نئچه گوندن سونرا، خسته‌خانادان چیخاریلسین و درمان ایشلری ائوده داوام تاپسین.(۱۶ دی)

سون دورومو(۴): اوستاد هاشم ترلان سه‌شنبه گونو آخشام اوستو “امام حسین” خسته‌خاناسیندان بوراخیلیب و درمان ایشلرینین داوامی اوچون اؤز ائوینه کؤچدو. (۱۷دی)

 

چاپ

14 پاسخ

  1. الله هاشم ترلانی بیزه چوخ گؤرمه سین انشاءا….
    گؤمؤشو پئنجه یی اوخویوب و اوندان لذت آلیب و ایکینجی جیلدینه منتظرم انشاءالله. هاشم ترلانی آذربایجان ادبیاتینین حاقیندا زحمت چکدیگینه گورا؛ چوخ سئویب و اونا الله دان جان ساغلیقی و اوزون عومور آرزولاییرام و اومیدوارم کی اونو یوخوندان گوروب و اوز تشکورله ریمی بیلدیره م.سیزین سایتینیزداندا تشکر ائدیره م.

  2. هاشم عمی(سایین هاشم بئی طرلان)

    درده بئل اَیمهَ.
    هله سن بیزه گرگ سن تانری تک بندنی یاشاتماق اوچون
    بویوک شاعیر سنی گوزلییریک .

  3. سلام اولسون ائلیمیزین محتشم شاعیرینه. هاشیم عمی بیزیم ائلیمیزین عمی سی دیر. تاسف لر اولسون اون گون گوز خسته لیییندن آسیلی اولاراق گوزوم باغلی قالدیغی اوچون ، اینترنت و هئچ بیر اوخومالی یا رجوع ائده بیلمه میشدیم. بو گون گوزومو آچدیقدان سونرا، بیرینجی دفعه اولاراق، ان سئویملی و ان ایسته دیییم دوشرگه ، ” ایشیق”ا گلدیکده، هاشیم عمی نین خسته لیک خبرینی ائشیتدیم و بیر آندا اوتوز بئش ایل عرضینده بو بویوک کیشی نین منه لطف ائتدییی هر نه یادیما دوشدو. اومید ائدیرم تئزلیکله آرامیزا قاییتسین.
    هامی هاشیم طرلانی بیر شاعیر کیمی یاد ائسه ده ، من اوندان آتامین قوخوسون آلیرام. طرلان بیزیم ائلیمیزن قوجامان شاعیری و بیر چوخ یازیچی- شاعیرلرین یادگاری دیر.
    گوموشو پئنجه کلرینیزی گوتورون گئده ک هاشیم عمی نی خسته خانادان گتیرمه یه. هاوا سویوقدور. شاعیریمیزین جانی خسته دیر. اوره یی ده. اولمایا بیزدن اینجییب عمی میز؟!

  4. هاشم عمی سنه اوره دولو جان ساغلیغی آرزو الیرم
    آخی سن :
    گویلر کیمی سینه سینی گن آچیب
    ییرلر کیمی جوشوب داشان شاعرسن
    چکیلمه یب اوتاقلارین کونجونه ،
    دوزلر کیچیب ،داغلار آشان شاعرسن .
    او یووانی ، بو یووانی سیچمی ین .
    یوردان یوردا – ایلدن ایله کؤچمه ین
    اوزدن باخیب ، اوزدن یانیب کیچمی ین
    دوز اویرنیب ، دوز دانیشان شاعرسن

    ……….

    داغلار ، گوزوم بارینیزدان دویمایب ،
    قوناغینی اوتور مگه تلسمه .
    داغلار گوزوم قارینیزدان دویمایب ،
    دومان ، چیسگین گتیرمگه تلسمه

    گلیب کیچه نیچه هفته، نیچه آی ،
    همدمیدیر دوغان گونش، باتان آی،
    قیژیلتینا آلیشمیشام، جوشان چای ،
    سفرینی بیترمگه تلسمه .

    گوزل بهار ، چوخ گوزله دیم من سنی،
    گوی اتکلی ، آغ دویمه لی چمنی .
    عطر دولو ، چیچک دولو سوفره نی ،
    واختدیرإ – دییه گوتور مگه تلسمه .

    توتوب قالان اولماساق دا دونیانی ،
    بیر دونیادیر عؤمروموزون هر آنی .
    آمان اجل ، استاد شاعر ترلانی
    سون منزیله یتیرمگه تلسمه .

  5. اوستادیمیزین آجیلی – شیرینلی خاطره لرینی اوخوب و چوخ چوخ ذؤق آلمیشام . گئچمیش اولسون انشاالله.

  6. اولدوزلاری سایا- سایا ،
    اینسان اوچوب قوندو آیا،
    منیم بو تایدان او تایا ،
    نئیچون یئتمیر الیم آراز ( هاشیم ترلان )
    اؤتن اون ایل لیکلرده ادبی محیطیمیزه درین تاثیرلر گؤسترن شاعیرلریمیزین بیری ده اوستاد هاشیم ترلان الدو . دو دیرلی اینسانا جان ساغلیغی آرزولایاراق، ایستردیم دئیم کی ، او تایسیز نیسگیللر یاشادی. من اونونلا اوتوز ایل دوستلوقدا هئچ واخت اینجیمه دیم او آغساققاللیغینی باجاران بیر شاعیر دیر. یئر – یورد بیلن بیر شاعیر دیر.اونونلا اونودولماز ادبی خاطیره لریمیز وار. شهامتلی، جسازرتلی و احساسلی شاعیردیر. اینانجینی هئچ واخت دییشمه دی.آذربایجان عاشیقی اولدو. اومید ائدیرم اونو بیر داها دا ساغلاملیقدا گؤرک. اوتوز ایل قاباق او دوسداقدا ایکن اوا بیر شعر یازمیشدیم .همن شعری هاشیم ترلانی سئونلره هدیه ائدیرم.

    یئنه اوغوللاری بنده دوشوبدور،
    هانی کور اوغلوسو دلی داغلارین.
    آصلانی زینجیرده ترلانی توردا،
    داغیلیر باشیندان ائلی داغلارین ( ائل اوغلو)

  7. اوستاد هاشم ترلان عزیز جانا ساغلیق آرزیلیرام و ناتری دانایسترم تزلیکجه بو اوستادین گولوش لرین قایتارسین

  8. تورک اوغلو اوستاد هاشم ترلان نا جان ساغلیغی آرزیلیرام و آلاه تعالیدن ایسترم تزلیکجه بو اوستادین ساغلیغین قایتارسین.
    آمین

  9. سالاملار، سایقیلار؛
    عزیز قوجامان شاعیریمیزه جان ساغلیغی، تانریدان شفالار دیله ییرم.

  10. سلام لار. تانری بو قوجامان شاعیریمیزه اوزو شفا وئرسین . ساغ اولسون دوستلاری ایله قلمداشلاری کی اونو بئلنچی گونلرینده اونوتمامیشلار.

  11. سلام. بیر خواهشیم وار و بیلمیرم اونون یئرینه یئتیرمه سی سیزه ممکن دور یا یوخ؟ خواهش ایسه بو: عزیزیمیز هاشم ترلانا مندن – وطندن اوزاق سالدیریلمیش بیر انسان کیمی- سلام یئتیرین و دئیین کی بیزده اونون خسته لنمه سیندن اولدوقجا اوزولدوک . اونا بیر داها ساغلیقلا آیاقا قالخیب، ایسته کلی لری آراسیندا شاد یاشاییش آرزو ائدیریک. وار اولون

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوستاد هاشم ترلان خسته‌خانادا … (سون دورومو …)

ایشیق
www.ishiq.net

آذربایجان ادبیات و اینجه‌صنعت سایتی

اوستاد هاشم ترلان خسته‌خانادا … (سون دورومو …)

ایشیق
www.ishiq.net

آذربایجان ادبیات و اینجه‌صنعت سایتی

اوستاد هاشم ترلان خسته‌خانادا … (سون دورومو …)

ایشیق
www.ishiq.net

آذربایجان ادبیات و اینجه‌صنعت سایتی