دوقتور غلامحسین فرنود حیات یولداشی‌نین اؤلومونده ماتملی‌دیر.
آلدیغیمیز خبره اساسن، تاسوفله آذربایجانین تانینمیش اجتماعی و مدنی شخصیتی دوقتور غلامحسین فرنود حیات یولداشی مهری خانیم شریعتی‌نین ابدی ایتگیسینده ماتملی‌دیر. مهری خانیم شریعتی خرچنگ(سرطان) خسته‌لی نتیجه‌سینده بیر نئچه آی یاتاق دوشدوکدن سونرا، چهارشنبه گئجه‌سی(آبان آیی‌نین ۲۲سی) دونیادان گؤز یومموش، جنازه‌سی‌ایسه عائیله عضولری، قوهوم‌لار و دوستلاری‌نین مشایعتی‌ایله جمعه گونو تبریز شهرینده تورپاغا تاپشیریلاجاقدیر.(ساعت ۱۰/۳۰ وادی رحمت مزارلیغی)
مهری خانیم شریعتی آذربایجانین اوزون ایللر تعلیم تربیه ساحه‌سینده زحمتلره قاتلاشان و بیر چوخ اوشاقلارین تعلیم تربیه انکشافیندا صمیمیتله امک صرف ائدن آذربایجان معلمه‌لریندن‌ایدی. (خبرین سونو)
