تبریزین ادبی- مدنی فعال‌لاری, “عاشیق چنگیز مهدی‌پور”و عزیزله‌دیلر
شهریور آیی‌نین اییرمی دوققوزونجو گونو تبریز ادبی- مدنی فعال‌لاری طرفیندن دونیا شهرتلی آذربایجان عاشیقی چنگیز مهدی‌پورا طنطنه‌لی تجلیل مراسیمی کئچیریلدی. “رسا” گروهو و “یئنی تبریز” ادبی- مدنی درنه‌یی‌نین تشبث‌لریله قورولان بو مجلیسده بیر چوخ آذربایجان اجتماعی, مدنی و ادبی شخصیتلری و ضیالی‌لاری اشتراک ائتمیشدیلر.
“یئنی تبریز” www.yeniTabriz.com سایتی‌نین یایدیغی خبره اساسن، بو سازلی، سؤزلو مراسیمده, سون زامانلار اؤلکه مقیاسیندا بیر نومره‌لی صنعت نیشانینا لاییق گؤرونن عاشیق چنگیز مهدی‌پورون شخصیتی و صنعتی باره‌ده مجلیس اشتراکچیلاریندان: رحیم رئیس‌نیا، میرعلی سید سلامت، سلیمان ثالث، دوقتور صدیق، ناصر داوران، حسن ایلدیریم، مهدی پناهی، صابر مهارتی، ناصر بهنژاد، بهرنگ پادیر، عاشیق حسن اسکندری، عاشیق فرخ مهدی‌پور، حسن ایرانی، کاظم ارس و … س چیخیشلار ائتمیشلر. مراسیمین شکیل‌لرینی آدی چکیلن سایتدا گؤرمک اولار.
