تانینمیش یازیچی، ژورنالیست و «یئنی قاپی» ادبی سایتی‌نین صاحیبی و مدیری «آیهان میانالی»نین یئنی اثری خسته‌خانا یاتاغیندا یاراندی.
سون زامانلار خسته‌لیکدن اذیت چکن «آیهان» «سس‌لرین تراژئدیسی خسته‌خانا یاتاغیندا» عنوانلی یئنی اثرینی نشر اوچون «ایشیق» سایتینا گؤنده‌ررکن یازیب:
«سس‌لرین تراژئدیسی خسته‌خانا یاتاغیندا» – ایشیق سایتی اوچون
سلام اوستادیم. کیتابین فایلینی ایندی منه گؤندردیلر. بو شکیلیم ده بو رومان اوچون بو دورومدا یازدیغیم اوچون، بونونلا پایلاشیلسین. بلکه بیرگون ساغالیب، ساغلیغین قدرینی بو شکیله باخدیقجا بیلدیم. هر نه اوچون مینتدارام اوستادیم – عمیم.
«آیهان میانالی»
عزیز و حؤرمتلی دوستوموز «آیهان میانالی» جنابلارینا جان ساغلیغی آرزولارکن، اومید ائدیریک تئزلیکله بو استعدادلی قلم صاحیبی، باجاریقلی ژورنالیستیمیز و حؤرمتلی قلمداشیمیز ساغلاملیغینی الده ائدیب، یئنی‌دن اؤز اثرلری ایله اوخوجولارینی سئویندیرسین. او گونون آرزوسویلا آیهان‌ین «سس‌لرین تراژئدیسی خسته‌خانا یاتاغیندا» اثرینی «ایشیق» و «یئنی قاپی» اوخوجولارینا تقدیم ائدیریک. همن اثری سایتین «کیتابخانا» و «حئکایه» بؤلوملریندن الده ائدیب، اوخویا بیلرسیز.
