چوخ تاسفله، غربی آذربایجانین ده‌یرلی صنعتکارلاریندان تانینمیش رسام و خطاط «حبیب‌الله ارسلانی» فروردین آیی‌نین ۷-نجی گونو، ۶۳ یاشیندایکن یاشادیغی اورمو شهرینده وفات ائتمیشدیر. عؤمرونون بؤیوک بیر حصه‌سینی صنعته حصر ائدن اوستاد صنعتکار اورمو شهرینده ایلک خطاط‌لار ائوینین قوروجوسودور.
حبیب‌الله ارسلانی مشهور آذربایجانلی خواننده «پریسا ارسلانی»نین آتاسی و خطاطلیقدا بیر چوخ شاگیردلر یئتیرمیش اورمونون تانینمیش و حؤرمتلی صنعتکارلاریندان ایدی.
«ایشیق» آذربایجان ادبیات و اینجه صنعت سایتی امکداشلاری آدیندان اوستادین وفاتینی صنعت اجتماعیاتینا، ارسلانی عائله‌سینه، ائله‌جه‌ده پریسا خانیم ارسلانی‌یه باش‌ساغلیغی وئریر، خاطیره‌سینی عزیزله‌ییریک.
«ایشیق» – آذربایجان ادبیات و اینجه صنعت سایتی
۰۸/۰۱/۱۴۰۴
