یازیچی «رضا حسینی مرند»ین «قیرمیزی پیکان گلیر» (بابیش و چاپیق) آدلی حئکایه توپلوسو ۱۰۲ صحیفه‌ده یاییلدی. بو توپلویا یازیچی‌نین ۸ اثری: آنبار، یاسمین، قویو، قیرمیزی پئیکان گلیر، اود، بوزوشموش نامه‌لر، تیم کئچل جاندان کئچر و نابات و کوکا حئکایه‌لری داخیلدیر. کیتابی تبریزده «کیرپی» نشریندن و مرند شهرینده «کافه هیچ»دن ۱۲۰ مین تومنه الده ائتمک اولار. یازیچی اؤز ایضاحیندا یازیب:
«بئش داش و محمد عابدین‌پور اولماسایدی، بلکه بو کیتاب یازیلمایاجاقدی. بئله فضالار و کاراکتئرلردن یازماغی چوخ سئویرسم ده، تکجه یازدیغیم بو کیتابین «آنبار» آدلی حیکایه‌سی اولموشدور. بئش داش درگیسی‌نین ایکینجی ساییندان بو کیتابدا گئدن آردیجیل حیکایه‌لر چاپ اولماغا باشلادی. بو حیکایه‌لری سئویردیم و یازدیقجا لذت آلیردیم. ایندی ده اوخودوقجا، چوخلو آخساقلیقلارینا باخمایاراق، یئنه سئویرم؛ و بوندان یانا سیز ایله پایلاشماق ایسته‌دیم. بابک مینقی و کیرپی نشریندن، کیتابین چاپ ائتمه‌سیندن یانا، تشکور ائدیرم.»