«شهرام گلکار»ین اوشاقلار و یئنی یئتمه‌لر اوچون یازدیغی «شاینا» عنوانلی حئکایه «پارلاق قلم» نشریاتی طرفیندن یاییملاندی. کیتابین دیزاینری جناب سیامک دریواس‌دیر و حئکایه‌نین موضوع گئدیشاتی گؤزل شکیل‌لرله اوشاق و یئنی‌یئتمه‌لر اوچون آسانلاشدیریلیبدیر. کیتابی الده ائتمک اوچون آشاغیداکی عنوان و تلفون نومره‌لریله علاقه ساخلاماق اولار:
بناب، خ آب، بین گلبرگ ۵ و ۷ ، نرسیده به مدرسه تیزهوشان، جنب املاک مهرآوران
تلفن: ۴۱۳۷۷۴۵۵۸۵- ۰۹۳۹۸۶۶۴۲۷۶
https://t.me/parlaqqalam
حئکایه‌دن بیر پارچانی بیرلیکده اوخویاق:
ایشین پیسی بو ایدی کی، بولت اوندان اوز چئویرمیشدی. سان‌کی بولت، بولت دئییل ده، باشقا بیری ایدی؛ شاینانی ان چوخ دا بو اوزوردو. شاینا، بولتلا کئچیردییی کئچمیش یاخشی یامان گون‌لرینی آنیمساییر، ان چوخ دا اونلارا یاخیلیردی. او، شاینا ایله یول‌بیر یورومه‌یی حاق ائتمیردی؛ او ایسه کی، شاینا توم قلبی ایله اونو سئویردی. بو فیکیرلره دالمیشدی کی، شر دوشدو. داها سونرا او، بالالارینی یاتیرسین دئیه، قانادلاری‌نین آلتینا آلدی. یاتمادان اؤنجه، بیر جوجه‌لره بیر ده گؤی‌اوزونه باخیب،؟سونرا دوداق‌آلتی پیچیلدادی؛ – آللاهیم، چوجوقلاریمی سنین الینه بیراخیرام، سن اؤزون بو کیمسه‌سیزلرین آرخاسیندا دور.
سحر تئزدن ایدی؛ هاوا تامام آچیلمامیش، قارالتی ایزلری هله گؤروکوردو. آذان سسی هر زامان‌کیندان داها اورک‌یاخیجی کندین قولاغینی اوخشاییردی…