تانینمیش آذربایجان یازیچیسی رقیه خانیم کبیری‌نین «اؤزبکستان سفرنامه‌سی» لاتین الفباسی ایله تورکیه‌نین قوبوستان نشریاتیندا چاپ اولدو.
اؤزبکستان سفرنامه‌سی مؤلفین ۲۰۱۵-جی ایلده، یئددی ایرانلی شاعر و رسام‌دان عبارت اولان سکگیز نفرلیک بیر قروپ ایله تاشکند، سمرقند و بخارا شهرلرینه سفر ائتدییی تجربه‌لرینین روایتی‌دیر. مؤلف بو فوتو- شکیللی سفرنامه‌ده زیارت ائتدییی یئرلرین توریستیک جاذبه‌لرینی، یئمک‌لر، عنعنوی عادت‌لر، رقص، موسیقی، ال ایشلری و معمارلیق ایله باغلی معلومات وئرمک‌له یاناشی، اؤزبکستانا حاکیم اولان مدنیت حاقیندا شخصی تاثراتینی قلمه آلمیشدیر. بو اثر مؤلفین قلمه ‌آلدیغی ایکینجی سفرنامه‌سی‌دیر. بیرینجی سفرنامه‌سینی ۲۰۱۳-جو ایلده چین سفرینه عاید‌دیر.
اؤزبکستان سفرنامه‌سی ۱۳۹۵-جی ایلده تبریزین انور نشریاتی طرفیندن چاپ اولموشدو.
کیتابی اوخوماغا ماراقلی اولانلار قوبوستان نشریاتی‌نین سایتی و سوسیال شبکه‌لرده‌کی پئیج‌لرینه یا دا رقیه کبیری‌نین تلگرام و اینستاگرام پئیج‌لرینه یازا بیلرلر.
Qobustan.com
https://t. me/ruqayyekabiri