موغان ادبی محیطی‌نین واختسیز حیاتینی ایتیرن استعدادلی گنج شاعری «اسماعیل پیل پایه»نین «دیشلریم تلگراف وورور» عنوانلی شعر توپلوسونون ایشیق اوزو گؤرمه‌یی موناسیبتیله پارس‌آباد شهرینده تقدیمات مراسیمی کئچیریلدی.
«اوستاد شهریار شعر و ادب انجمنی»نین ایشیق سایتینا گؤندردیگی خبر اساسیندا:
«چرشنبه گونو (۱۴۰۳٫۳٫۱۶) گؤزه‌ل بیر توپلانتی‌دا، ساعت ۱۶-دا، پارس‌آبادین فرهنگ و ارشاد اداره‌سینین اجتماعات سالونوندا، «اوستاد شهریار» آدلی شعر و ادب درنه‌یی‌نین تشبثو و گلن قوناقلارین حضوری ایله، شعر اوجاغی قورولدو. شهرستانین ده‌یرلی یازار و شاعیرلری بیرلییینده کئچیریلن بو آخشام اوستوده، موغانین ده‌یرلی شاعیری اسماعیل پیل‌پایه‌‌نین «دیشلریم تلگراف وورور» کیتابیندان اؤرپک گؤتورولدو. بو تؤره‌نه گلن شاعیرلر، اؤز درین و دویغولو شعرلریله بو مقدس آخشام اوستونه، خاطیره‌لی آن‌لار باغیشلادیلار. توپلانتی‌نین سونوندا پیل‌پایه عایله‌سی عزیزله‌نیب، یادیگار شکیل‌لر چکیلدی.» (خبرین سونو)