آذربایجان مدرن شعری گئجه‌سینده چیخیش ائدنلردن شاعره رقیه خانیم کبیری و شاعر کیان خیاوین طرفیندن بیر ادبی خبر یایینلاندی. بو خبر اسطوره‌لر اساسیندا یاخین گله‌جکده یاییلاجاق اورتاق یازیلمیش ایکی شعر توپلوسوندان عبارت‌ایدی. رقیه خانیم کبیری‌دن الیمیزه چاتان تکمیل ائدیجی معلومات بئله‌دیر:
“بیرینجی توپلو (اصلی‌کرم)دن یئنی آنلاتی اولاراق «بیر اوجاقدا ایکی کول توپاسی» آدینی داشیییر. تورک و دونیا اوسطوره‌لری‌نین کسیشیب بیرلشدییی یئر اولان بو کیتاب اون ایکی بؤلومدن( آلتی بؤلوم رقیه کبیری، آلتی بؤلوم‌ده کیان خیاوین قلمیله)عبارتدیر. بو کیتابدا اصلی کرم حیکایه‌سی یئنی بیر باخیشلا روایت اولونوب و انتشارات یاران واسیطه‌سی‌ایله ارشاد اداره‌سینده مجوز آلماق سیراسیندادیر.
ایکینجی کیتاب‌ایسه (یاری اینسان، یاری قوش- آراز قیزی) آدلی اورتاق یازیلمیش بیر شعر توپلوسودور. اون دؤرد بؤلومدن عبارت اولان بو کیتابین یئددی بؤلومو “آراز قیزی”کاراکتئری‌نین دیلی‌یجه رقیه کبیری‌نین قلمی‌یله و یئددی بؤلومو “یاری اینسان، یاری قوش(توغرول قوشو)” کاراکتئری دیلی‌یجه کیان خیاوین قلمیله یازیلیب. بو کیتاب چوخ یاخیندا ارشاد اداره‌سینه گؤندریله‌جک.”
یک پاسخ
اللرینیزه ساغلیق. گؤزه ل ایش اولدوغونا اینانیرام. سیزه بو یولدا بویوک اوغولار آرزولاییرام.