چوخ تاسفله، قاراداغ ماحالی‌نین قوجامان شاعری «محمدتقی تقی‌زاده» اردیبهشت آیی‌نین ۱۷نجی گونو حیاتا گؤز یوموب و ابدیته قووشموشدور.
۱۳۱۸نجی ایل آراز ساحیلینده یئرلشن «خدافرین» بؤلگه‌سینین «لاریجان» کندینده آنادان اولان «محمدتقی تقی‌زاده» ۲۵ یاشیندان آذربایجان تورکجه‌سینده شعر دئمه‌یه باشلامیش و ایندییه‌دک اثرلریندن عبارت «قارا بایقوش» و «قریب چینار» آدلی شعر توپلولاری ایشیق اوزو گؤرموشدور.
«ایشیق» امکداشلاری آدیندان قوجامان شاعر «محمدتقی تقی‌زاده»نین ایتگیسینی حؤرمتلی عائله‌سینه، آذربایجان ادبی اجتماعیاتینا، قاراداغ ادبی درنک‌لرینه و شاعرین یاخینلارینا باش ساغلیغی وئریر، خاطیره‌سینی عزیزله‌ییریک.
ایشیق- آذربایجان ادبیات و اینجه‌صنعت سایتی
۱۸/۰۲/۱۴۰۳
