خبر آژانسلارینین یایدیغی خبر اساسیندا، ۲۰۲۳-نجی ایل ادبیات اوزره نوبل موکافاتی ۶۴ یاشلی نروژلی یازیچی «یون فوسه»‌یه وئریلمیشدیر.
ایسویچ(سوئد) نوبل آکادمیاسی ۲۰۲۳نجی ایل ادبیات اوزره نوبل موکافاتینین غالیبینی اعلان ائدیب و بونونلا دا نروژلی دراماتورق و رومانچی یون فوسه «دئییله بیلمه‌ینلرین سسی اولان پیئس‌لری و اورژینال بدیعی نثری»نه گؤره نوبل موکافاتی آلماغا لاییق گؤرونوبدور.
نروژ دیلینده یازیلمیش بو یازیچی‌نین اثرلری مختلف ژانرلاری او جومله‌دن: پیئس، رومان، شعر، اوشاق ادبیاتی و ترجمه‌لری احاطه ائدیر. بو گون اونون داها آرتیق پیئس‌لری گئنیش تاماشایا قویولسادا، آنجاق او دیگر نثر یازیلاری ایله ده دونیادا مشهوردور.
«یون فوسه»نین ایراندا ترجمه اولموش اثرلریندن: «مجموعه آثار نمایشی یون فوسه(۹ جلد)» – «کسی می‌آید» و «دو نمایشنامه» کیتابلارینی آد چکمک اولار.