چوخ تاسفله، «ائلدار موسیقی گروهو»نون نئچه ایل‌لیک رهبری کامانچا اوستاسی «آغاگول داداشوف» فئورالین بیرینجی گونو (۱۱ بهمن) یاشادیغی باکی شهرینده اوره‌ک خسته‌لیگی سببیندن حیاتا گؤز یوموب، ابدیته قووشموشدور.
اوستاد «آغاگول داداشوف»ون عائله‌سی طرفیندن بیزه چاتدیریلان معلوماتا اساسن، سئویملی صنعتکار گؤزله‌نیلمه‌دن اوره‌ک اینفارکتی ائتمیش، دورومو آغیرلاشدیقدان چوخ آز بیر زاماندان سونرا ۶۷ یاشیندا حیاتا گؤز یومموشدور.
ایشیق- آذربایجان ادبیات و اینجه صنعت سایتی امکداشلاری آدیندان سئویملی آذربایجان صنعتکاری اوستاد «آغاگول داداشوف»ون ایتگیسینی، اوستادین حؤرمتلی عائله‌سینه، قوهوم اقرباسینا و ائلدار موسیقی گروهونون عضولرینه باش ساغلیغی وئریر و اوستادین شرفلی خاطیره‌سینی عزیزله‌ییریک.
ایشیق- آذربایجان ادبیات و اینجه صنعت سایتی
۱۶ بهمن ۱۴۰۰
Kamança ustası AĞAGÜL DADAŞOV əbədiyətə qovuşdu
Çox təəssuflə ELDAR MUSİQİ GURUHUnun neçə illik rəhbəri kamança ustası AĞAGÜL DADAŞOV fevralın birinci günü (۱۱ Bəhmən) yaşadığı Bakı şəhərində ürək xəstəliyi səbəbindən həyata göz yumub əbədiyətə qovuşmuşdur.
Ustad AĞAGÜL DADAŞOVun ailəsi tərəfindən bizə çatdırılan məlumata əsasən sevimli sənətkar gözlənilmədən ürək infarktı etmiş durumu ağırlaşdıqdan çox az bir zamandan sonra 67 yaşında həyata göz yummuşdur.
IŞIQ – Azərbaycan Ədəbiyat Və İncəsənət sitəsi əməkdaşları adından sevimli sənətkar AĞAGÜL DADAŞOVun itgisini ustadın hörmətli ailəsinə qohum əqrəbasına və ELDAR MUSİQİ GURUHUnun üzvlərinə baş sağlığı verir və ustadın şərəfli xatirəsini əzizləyirik.
IŞIQ – Azərbaycan Ədəbiyat Və İncəsənət sitəsi
۵ fevral 2022
