چوخ تاسفله، آذربایجانین گنج صنعتکاری «توحید نوروزی» بوگون سحر چاغی اوره‌ک انفارکتی سببیندن حیاتینی ایتیرمیشدیر. توحید نوروزی باغلاما صنعتی‌نین باجاریقلی ایفاچیسی و اونو گنج هوسکارلارا اؤیره‌دن زحمتکش صنعتکارلاریمیزدان ایدی.
توحید نوروزی ۱۳۶۵نجی ایل خیاو(مشگین شهر)ده دوغولموش، عمران اختصاسیندا تحصیلاتینی باشا وورموشدور. گنج صنعتکار سون ایللر آذربایجان جمهوریسینده موسیقی صنعتینی اؤیرنمکله یاناشی، بیر چوخ تانینمیش و گنج صنعتکارلارلا امکداشلیق ائدیردی. چوخ تاسف کی بو گنج استعدادین عؤمور چیراغی چوخ تئز سؤندو. آذربایجانیمیزین باشی ساغ اولسون دئیه، بو آجی ایتگینی صنعتکارین حؤرمتلی عائله‌سینه، دوست تانیشلارینا و صنعتچی یولداشلارینا باش ساغلیغی وئریر، خاطیره‌سینی عزیزله‌ییریک.
ایشیق- آذربایجان ادبیات و اینجه صنعت سایتی
۱۱/۱۰/۱۴۰۰
3 پاسخ
تانری رحمت ائلئسین ،مکانی جنت اولسون ،تانری ایله سینه صبروئرسین ،تاسف لی کی بو دونیادان تئزکوچدی??
اللّه رحمت ائله‌سین
یولو گئدرلی اولسون.
،واختسیزو چوخ آجی خبر ??
حؤرمتلی عاییله فردلرینه باش سالیغی وئریب و دؤزوم ایسته ییرم ،آدی یادی و یولو قالارقی اولسون