بو آغیر گونلرین آجی خبرلری سانکی قورتاران دئییل. تاسفله یاییلان معلومات اساسیندا، تانینمیش آذربایجان صنعتکاری «صمد رحیم‌زاده»ده مرداد آیی‌نین سون گونو حیاتینی ایتیرمیشدیر.
صمد رحیم‌زاده ۱۳۳۲نجی ایل تبریزده دونیایا گؤز آچمیش، ۱۵ یاشیندایکن آذربایجان موسیقیسی ایله ماراقلانمیش و خواننده‌لیک صنعتینی آذربایجانین تانینمیش موسیقی اوستادلارینین نزدینده اؤیرنمیشدیر. ایلک ماهنیسی ۱۳۴۷نجی ایل تبریز رادیوسوندان سسله‌نن صمد رحیم‌زاده‌نین ان چوخ ایفا ائتدییی ماهنیلار وطن، انقلاب و محاربه موضوعلاریندادیر؛ عینی حالدا او تبریزین «سارای موسیقی گروهو» و تبریز رادیو سیفمونیک ارکسترینین ایفاچیسی‌دیر.
صمد رحیم‌زاده‌نین جنازه‌سی شهریورین بیری (دوشنبه گونو) ساعات ۱۲:۳۰دا تبریزین وادی رحمت مزارلیغینین «هنرمندلر قطعه‌سی»نده تورپاغا تاپشیریلاجاق.
ایشیق
چئویرن: ایشیق
ترجمه: ایشیق
سسلندیرن: ایشیق
- خبر
- اوخوماق زامانی: < 1 دقیقه
- https://ishiq.net/?p=29265
چاپ
