«ارک» نشریاتی‌نین مدیری وفات ائتدی
یاییلان خبرلر اساسیندا، تاسفله تبریزین قدیم «ارک» کیتاب ماغازاسی و «ارک انتشاراتی»نین مدیری سعید ملازاده دی آیی‌نین ۲۵نجی گونو گؤزلنیلمه‌دن وفات ائتمیشدیر. آتاسی‌نین وفاتیندان سونرا بو قدیمی انتشاراتین مدیرلیگینی اؤز اوزه‌رینه گؤتورن سعید ملازاده قدیم آذربایجان ژورنالیستلریندن اولان آتاسی حمید ملازاده‌نین‌نین «سیری در کوچه‌های خاطرات: تبریز از شهریور ۱۳۲۰ تا انقلاب اسلامی» عنوانلی کیتابینی نشر ائتمیشدیر.
«ایشیق» – آذربایجان ادبیات و اینجه صنعت سایتی امکداشلاری آدیندان بو ایتگینی حؤرمتلی ملازاده عائله‌لرینه، آذربایجان مدنیتی ساحه‌سینده چالیشانلارا و بو مدنیت ایشچیسی‌نین دوست تانیشلارینا باش ساغلیغی وئریر و خاطره‌سینی عزیزله‌ییریک.
«ایشیق» – آذربایجان ادبیات و اینجه صنعت سایتی
۲۶/۱۰/۱۳۹۹
