«ناصر داوران»ین سئچیلمیش اثرلری لاتین الیفاسیندا یاییلدی

تانینمیش آذربایجان شاعری «ناصر داوران»ین سئچیلمیش اثرلری ۱۷۷ صحیفه‌ده لاتین الیفاسیندا یاییلدی. «اؤز باشینا دونیا» عنوانلی بو شعر مجموعه‌سینه شاعرین مختلف ایللرده یازدیغی ۱۵۶ شعری داخیلدیر.
بوندان اؤنجه «ناصر داوران»ین آذربایجان دیلینده دؤرد شعر مجموعه‌سی: «ماوی دویغو»(۱۳۷۳)، «سورگون اللریم»(۱۳۸۴)، «یاغیشدا چتیرسیز گئده‌ن کیشى»(۱۳۹۰)، «توستولو دمیرلرین آنقیرتیسى»(۱۳۹۳) نشر ائدیلیب و « بایاتیمیش گؤزلوک» باشلیقلی شعر مجموعه‌سی چاپ آلتیندادیر.
شاعرین فارس دیلینده ایکی شعر مجموعه‌سی «گفتگو»(۱۳۵۷)، «آب و آینه»(۱۳۸۹)، ادبی تنقید موضوعسوندا «نیمای نطریه‌پرداز و نیمای شاعر» عنوانلی کیتابی(۱۳۷۷) و اوچ ترجمه کیتابی «روزی از روزها»( فاضل‌حسنی داغلارجا ۱۳۸۵)، «نظریه‌های ادبی و نقد»(برنا موران ۱۳۸۹)، «مدرنیسم در شعر ترک»(یالچین ارمغان ۱۳۹۶) ایندییه قده‌ر یاییلیبدیر.
بونلاردان علاوه آذربایجانلی داغچی‌لارینین پامیر داغیندا جانلارینی الدن وئرمه‌لرینین روایتینی ۱۳۷۷نجی ایلده «آلاله‌های پامیر»عنوانی آلتیندا نشر ائدیبدیر.