باشین ساغ اولسون آذربایجان!
قاراداغ ماحالیندا باش وئرن زلزله یوزلر عائله نی ماتمه باتیردی. ۶/۳ ریشتر گوجونده فلاکت تؤره‌دن بو زلزله، ایلک ساعاتلاردا یوزلر یارالی و یوز نفردن آرتیق اؤلونو آیدینلاشدیرمیشدیر. رسمی نظرلره گوره تخریب اولموش یئرلره- خصوصیله اهر، ورزقان و هریس بؤلگه‌لرینه- لاییقینجه یاردیملار چاتدیریلماسا, فاجعه بونداندان آرتیق اولاجاقدیر. بو حادثه‌دن ضرر چکنلره یاردیم ائتمک هامیمیزین قارشیسیندا دوران عموم بشری و انسانی بیر وظیفه دیر. بو یولدا هئچ بیر سعی‌دن چکینمه‌مه‌لییک.
ایشیق سایتی اؤز امکداشلاری آدیندان بو فاجعه‌نی بوتون ایران و آذربایجان خالقلارینا باش ساغلیغی وئرمکله برابر، اؤزونو بو عموم ملی ماتمده اورتاق بیلیر. بیز بوتون یاخینلارینی ایتیرن عائله‌لره باش ساغلیغی وئریریک و انسانلیق نامینه بو گون آذربایجانا باش ساغلیغی وئرن بوتون ملتلرله برابر، باشین ساغ اولسون آذربایجان! دئییریک.
4 پاسخ
آذربایجان باشین ساغ اولسون
باشین ساغ اولسون آذربایجانیم
هانسی کلمه یه سیغار بئله بیر شکیلین آجی کدری… وای جانیمیزا !
… آذربایجانیمین باشی ساغ اولسون …
آذربایجانیمین شرفلی میللتینه بو کدرلی گونلری تسلیت دئییرم. الیمیزدن هر نه گلیر یاردیم ائتمه لیییک.
آذربایجان باشین ساغ اولسون!
بو زلزله ده اؤلنلره آللاهدان رحمت، قالانلارا صبر، یارالیلارا ایسه دؤزوم دیله ییرم…
دردلی یوردوموزون بیر دردی ده آرتدی…
تانری یاردیمچیلاری اولسون…
یوردداشلاریمیزا الیمیزدن گلنی گرک اسیرگمه یک…