چئویرن: ایشیق
ترجمه: ایشیق
ایشیق

بیز گلدی- گئده‌ریک، سن یاشا دونیا!
اوستاد درفشی عائیله‌سینه باش ساغلیغی!

چوخ تاسفله مرحوم اوستادیمیز مظفر درفشی‌نین عؤمور یولداشی دا حیاتدان ابدی‌لیک وداعلاشدی. عؤمرونون سون ایللرینی اوستادین داهادا آرتیق قایغیلارینا آلیشان تامارا خانیم دهیار، اوستاد درفشی اوچون ساده‌جه حیات یولداشی یوخ، اونا اصیل معنادا یول یولداشی اولموشدور. حیاتین آجیلی آغریلی آن‌لاریندا، اوستادین اجتماعی و سیاسی مبارزه‌لرینده قارشیلاشدیغی چتینلیک‌لری اودا وار قوه‌سیله اؤز اوزه‌رینه گؤتوروردو؛ بئله آن‌لاردا حیاتدا بیرلشدیگی یول یولداشینا تسلی وئره‌ن و اومید قایناغی اولوردو.
ادبی جمعیتیمیزین بیر چوخ عضولرینین گرگین ایللرده زحمتینی چکن، اؤز ائوینی ادبیات اوجاغینا چئویرن و ادبی انجومنلریمیزین قورولماسیندا و فعالیتلرینین داوام تاپماسیندا اوستاد درفشی‌ایله یاناشی یورولمادان زحمتلرله قاتلاشان تامارا خانیم دهیار، بیر چوخ آذربایجان شاعر، یازیچی و ادبیات خادیملرینین معنوی آناسی اولموشدور.
هر ایل اؤلکه‌میزین و آذربایجانیمیزین پارلاق تاریخینی، ادبی اجتماعی کئچمیشینی و بوگونونو تمثیل ائده‌ن موناسیبتلری، ایل‌دؤنوملرینی بیر چوخلارینین اشتراکیله لاییقینجه اؤز ائوینده کئچیرن آنانین امگی اونودولمازدیر. هله‌ده هر ایل ۲۱ اذر نهضتی‌ایله باغلی تدبیرلر تشکیل ائدیب و اوستاد درفشی‌ایله چیگین چیگینه قوناقلارینی قارشیلایان آنانین عزیز خاطیره‌سی اوستادین حیاتدایکن اطرافینا ییغیشان دوست تانیشلارینین یادداشیندا یاشاماقدادیر.
بیز، «آذری فصلنامه‌سی»نین یازیچیلار شوراسی، «ساهر ادبی- مدنی انجومنی»نین عضولری و «ایشیق سایتی»نین امکداشلاری معنوی آنامیز تامارا خانیم دهیارین ایتگیسینی حؤرمتلی درفشی عائیله‌سینه و ادبی- مدنی جمعیتیمیزه باش ساغلیغی وئریر، آنانین اونودولماز خاطیره‌سینی عزیزله‌ییریک.

آذری فصلنامه‌سی            ساهر ادبی- مدنی انجومنی            ایشیق؛ آذربایجان ادبیات و اینجه صنعت سایتی
۱۰/۲/۱۳۹۶
***
تورپاغا تاپشیرما مراسیمی: دوشنبه ۱۱ اردیبهشت – ساعت ۱۰:۳۰
تهران – بهشت زهرا – قطعه ۳۱۸ – ردیف ۵۷

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوستاد درفشی عائیله‌سینه باش ساغلیغی!

ایشیق
www.ishiq.net

آذربایجان ادبیات و اینجه‌صنعت سایتی

اوستاد درفشی عائیله‌سینه باش ساغلیغی!

ایشیق
www.ishiq.net

آذربایجان ادبیات و اینجه‌صنعت سایتی

اوستاد درفشی عائیله‌سینه باش ساغلیغی!

ایشیق
www.ishiq.net

آذربایجان ادبیات و اینجه‌صنعت سایتی