وطنین باشی ساغ اولسون!
تهرانین یوکسک مرتبه‌لی «پلاسکو» تجارت مرکزینین یانغینا اوغراماسی و یانغینین آردینجا بینانین چؤکمه‌سی بیر چوخ وطنداشلاریمیزین ضرر گؤرمه‌سینه، خصوصیله‌ده یانغین سؤندورنلرین اؤلومونه سبب اولموشدور.
یاییلان رسمی خبرلر اساسیندا ۳۰ نفردن آرتیق یانغین سؤندورن باشقا وطنداشلاریمیزی یانغیندان قورتارماق و بینانین چؤکمه‌سینین قارشیسینی آلماق پروسسینده اؤز جانلارینی الدن وئرمیش و هله‌ده بیر چوخ وطنداشلاریمیزین بو حادیثه‌ایله باغلی طالعی معلوم دئییل.
بو آغیر فاجیعه موناسیبتی‌له خالقیمیزا، بوتون ایران مقیاسیندا وطنداشلاریمیزا، ضرر گؤرموش و چوخ تاسوفله حیاتلارینی ایتیرمیش قهرمان یانغین سؤندورنلریمیزین حؤرمتلی عائیله‌لرینه باش ساغلیغی وئریر و فداکارجاسینا ابدیته قووشموش یانغین سؤندورنلریمیزین عزیز خاطیره‌لرینه عشق اولسون دئییریک.
«ایشیق» – آذربایجان ادبیات و اینجه سایتی
۱/۱۱/۱۳۹۵
