امکداشیمیز شاعر «هریزلی»یه باش ساغلیغی!
چوخ تاسفله امکداشیمیز شاعر «هریزلی» عائیله‌سینه یئنی بیر آغیر ایتگی اوز وئرمیشدیر. تانینمیش شاعریمیزین آتاسی اوستاد حاج موسی هریسی‌نژادین آغیر ایتگیسیندن بیر ایل کئچمه‌میش، قارداشی دوقتور کمال‌الدین هریسی‌نژاد بیر آز مدت خسته‌لیکدن سونرا حیاتا گؤز یومموشدور.
دوقتور کمال‌الدین هریسی‌نژاد ایکی آی اؤنجه گؤزلنیلمه‌دن خسته‌لنیر و خسته‌لیگینین آغیر اولدوغوندان آمریکایا گؤندریلیر. آنجاق تاسفله اوردادا حکیملر بیر ایش گؤره بیلمیر و بیر مدت خسته‌خانادا قالدیقدان سونرا نهایت آذر آیی‌نین اون‌بیرینجی گونو ۶۳ یاشیندایکن حیاتینی ایتیریر.
دوقتور کمال‌الدین هریسی‌نژاد تبریز دانشگاهینین حقوق و اجتماعی علملر دانشکده‌سینین مدیری اولموش و خسته اولمامیشکن بو دانشکده‌نین فعال اوستادلاریندان ساییلیرمیش.
بیز «ایشیق»- آذربایجان ادبیات و اینجه‌صنعت سایتی امکداشلاری بو آغیر ایتگینی شاعر دوستوموز جناب «هریزلی»یه، مؤحترم «هریسی‌نژاد» عائیله‌سینه و مرحومون دوست و تانیشلارینا باشینیز ساغ اولسون! دئییر و مرحومون خاطیره‌سینی عزیزله‌ییریک.
«ایشیق»- آذربایجان ادبیات و اینجه‌صنعت سایتی
۱۲ آذر ۱۳۹۵
