گؤرکملی صنعتکار «ودود مؤذن‌زاده»یه باش ساغلیغی
تانینمیش آذربایجان صنعتکاری خواننده و رسام جناب «ودود مؤذن‌زاده» حؤرمتلی آتاسی حاج سلیم مؤذن‌زاده‌نی الدن وئرمیشدیر. حاج سلیم مؤذن‌زاده یوکسک قابلیتلی آذربایجانلی مداح اولموش و سون ایللر نوحه اوسلوبوندا اوخودوغو «چوخ سئویرم آنا دیلی دانیشام / آذربایجان ائللرینه قاریشام» تکرار مصراعلی شعری دینله‌ییجی‌لر طرفیندن گئنیش قارشیلانمیشدیر.
«ایشیق»- آذربایجان ادبیات و اینجه صنعت سایتی بو ایتگینی گؤرکملی صنعتکاریمیز جناب ودود مؤذن‌زاده و مؤحترم عائله‌سینه تسلیت دئییر و اونلارا جان ساغلیغی آرزولاییر.
