«عاشیق مشی پاشایی» دونیادان کؤچدو
گؤرکملی آذربایجان عاشیقی «عاشیق مشی(فتح‌الله) پاشایی» شهریور آیی‌نین ۱۱نجی گونو تبریز شهرینده آهیل‌لیق سببیندن اؤز تئللی سازیندان ابدی‌لیک آیریلدی و تبریزین وادی‌الرحمت مزارلیغی‌نین «هنرمندلر» بؤلومونده تورپاغا تاپشیریلدی.
۱۳۱۰نجی ایل ورزقان ماحالی‌نین میرزاعلی کندینده دونیایا گؤز آچمیش و ۱۸ یاشیندان عاشیق صنعتینه ماراق گؤسترمیش فتح‌الله پاشایی، بو صنعتی «عاشیق میکائیل آقابابالی» و «عاشیق عیسی دشن»دن اؤیرنمیش و اؤزوده بیر چوخ آذربایجان عاشیقلارینین عرصه‌یه گلمه‌سینده امک صرف ائتمیشدیر.
