«تورک اوغلو» مزاری باشیندا خاطیرلاندی
آزادلیق و اجتماعی عدالت عشقیله عؤمرونو باشا ووران آذربایجانین مبارز شاعری برجعلی قریشی«تورک اوغلو»نون شرفلی خاطیره‌سی بیر داهادا یاخین دوستلاری و عائیله عضولری طرفیندن یاد ائدیلدی. مرداد آیی‌نین ۱۴-نجی گونو ساعت ۳۰/۱۷ دن ۰۰/۱۹ قده‌ر تهرانین بهشت زهرا مزارلیغینین بیرینجی اصلی قطعه‌سینده اونودولماز شاعریمیزین دوستلاری و آذربایجان ادبی درنک‌لرینین بیر گروه عضولری طرفیندن خاطیره ییغینجاغی کئچیریلدی. ییغینجاقدا حسین شهرک، بهروز دولت‌آبادی(چای اوغلو)، آیدین تبریزلی، عاشیق سلجوق شهبازی، اورنگی و شاعرین دیگر دوستلاری اؤز اوره‌ک سؤزلرینی دئییب، اونودولماز شاعریمیزله باغلی خاطیره‌لرینی سؤیله‌دیلر.
