ساهر ادبی مدنی درنه‌یی و صابر ادبی انجومنی‌نین تشبثی‌ایله آبان آیی‌نین ۲۳‌نده تهرانین بهمن مدنیت ساراییندا اؤلمز آذربایجان شاعری علیرضا نابدل(اوختای) خاطره‌سیله”مدرن آذربایجان شعری” گئجه‌سی کئچیریلدی. بو مراسیمده، شاعرلر و یازیچیلاردان علاوه، ائلدار موسیقی گروپو و عاشیق صنعتی‌میزین پارلاق اولدوزو، “اوستاد چنگیز مهدی‌پور”دا چیخیش ائتدی.

بو سازلی سؤزلو شعر آخشامیندا آذربایجانین مختلف شهرلریندن او جمله‌دن: تبریز، اردبیل، خوی، مشگین‌شهر، ارومیه، سلماس، موغان، قاراداغ، میانا، شبستر و دیگر ماحال‌لاردان گلن شاعر و یازیچیلار، تهراندا یاشایان آذربایجانلی شاعر و یازیچیلارلا بیرلیکده چیخیش ائتدیلر.

شاعر هریزلی و گنج ژورنالیست روشن ایشیق‌ین اجراسی‌ایله اوچ ساعاتلیق بو مراسیمده کریم قربانزاده، حسن ایلدیریم، نگار خیاوی، ناصر داوران، همت شهبازی، رقیه کبیری، اسماعیل مددی(اولکر)، سعید موغانلی، داود اهری، رحیم کاویانی، صالح سجادی، رسول یونان، ائلیاد موسوی، کیان خیاو، دومان اردم، سعید قافلان، حسن اؤزگور، آتیلا کیشی‌زاده و رسول اسمعیلیان چیخیش ائتدیلر.

چیخیش ائدن‌لردن علاوه آذربایجانین بیر چوخ شاعر و یازیچیلاری‌دا بو مجلیسده اشتراک ائتمیشدیر. او جمله‌دن: هاشم ترلان، جمشید شیبانی، حبیب فرشباف، دکتر حسین صدیق(دوزگون)، میرزه شهرک، فرانک فرید(ایپک)، ارشد نظری، ائلدار موغانلی، چاپار، ع.آغ‌گونئیلی، ائلیار پولاد، مسعود آذر، رامیز تای‌نور، اکبر قاداش، عدالت امی، گولدورلو ولی، بساوت، درداوغلو، اصلان پاشا، فرزاد لئیسی، حمید آصف، چیلغین، ممد وطنلی و …

مراسیم اثناسیندا آذربایجان باشقا شاعرلری او جمله‌دن: علیرضا اوختای، حبیب ساهر، رامیز روشن، عمران صلاحی، هادی قاراچای، ناصر مرقاتی، ملیحه عزیزپور، آیدین آراز، مظفرسعید، ارسطو مجرد، فرزاد لیسی و … شعرلر اوخوندو.

مراسیمین سون حصه‌سینده ساهر و صابر درنک‌لری طرفیندن چیخیش ائدنلر اوچون حاضیرلانان هدیه‌لری وئرمک اوچون اوستادلار هاشم ترلان، حبیب فرشباف و حسین صدیق صحنه‌یه دعوت اولوندولار. موسیقی ایفاچیلارین هدیه‌لری‌ایسه استاد چنگیز مهدی‌پورون الیله وئریلدی.

“ایشیق” سایتی یاخین گلجکده امکان دایره‌سینده بو مجلیسده اوخونان شعرلری تقدیم ائده‌‌جکدیر.

یاییلان شکیل‌لر پویا خسروی، پویا نائل‌پور و علی بیک‌زاده‌دن دیر.

—

—

هریزلی – روشن ایشیق

—

کریم قربان‌زاده

—

حسن ایلدیریم

—

ائلیار پولاد – فرانک فرید (ایپک) – نیگار خیاوی – اولکر – چاپار

—

نیگار خیاوی

—

ناصر داوران

—

—

حسین ریاضی

—

رقیه کبیری

—

همت شهبازی

—

ائلدار موسیقی گروپو

—

سعید موغانلی

—

داوود اهری

—

اعتبار قلی‌اف – ابراهیم تفضلی

—

دومان اردم

—

سعید قافلان

—

—

کیان خیاو

—

آتیلا کیشی‌زاده

—

عاشیق چنگیز مهدی پور

—

رسول یونان

—

اسماعیل مددی (اولکر)

—

جلال سپهری

—

حبیب فرشباف – حسین صدیق – هاشم ترلان

—

رحیم کاویان -حبیب فرشباف – حسین صدیق – هاشم ترلان

—

صالح سجادی – حبیب فرشباف – حسین صدیق

—

نیگار نوروزی – عاشیق چنگیز مهدی پور

—