کیتاب رفیمیزده نه‌لر وار؟ (۲)
تانیتدیران: سحر بارانی
حئکایه‌نین ایمکانلاری (حئکایه و حئکایه تنقیدی)
حاضیرلایان: همت شهبازی
پردیس دانش یایین ائوی
تهران / قیش ۱۳۹۱
گرافیست: آتابای
همت شهبازی‌نین چئویریسی ایله حاضیرلانان «حئکایه‌نین ایمکانلاری» آدلی کیتابین آماجی، اوخوجولاریمیزی، حئکایه چؤزومو و تنقیدی آراشدیرما ایله عملی تانیش ائتمکدیر. بو کیتابدا ۱۰ (اون) حئکایه و بو حئکایه‌لره گؤره ۱۰ تنقیدی مقاله یئرلشدیریلیبدیر. بئله کی هر وئریلن حئکایه قورتاردیقدا، آردیجا او حئکایه‌نین اؤزل‌لییی، تکنیک‌لری و حئکایه‌چی‌لییی حاققیندا بیر تنقیدی آراشدیرما و چؤزوم یئر آلیر. حئکایه و تنقیدلر تورک یازارلار و تنقیدچی‌لریندن سئچیلمیشدیر. بو حئکایه یازارلارینین بیر چوخلاری ایندیلیکده ده یازیب یارادیرلار و بونلارین بعضی‌لریندن ایذن آلاراق حئکایه‌لری کیتابدا گتیریلیبدیر. بو کیمی ایشلرین اؤرنه‌یینی تورکیه‌ده «عؤمر لکه‌سیز» (۳ جیلدده) و فارسلاردا ایسه، احمد گلشیری «داستان و نقد داستان»کیتابلاریندا گؤرمک اولار.
کیتاب ۱۳۹۱ینجی ایل، پردیس دانش یایین‌ائوی طرفیندن و یاشماق کیتاب ائوی‌نین امکداشلیغی ایله یایینلانمیشدیر.
بونون کیمی پروفسیونال اؤیکو و الشتیری مجموعه‌سی بیرینجی دؤنه اولاراق دیلیمیزده نشر اولموشدور و بونون اوچون ده بوتون نثر اثرلرینه ماراقلانان ادبیاتچی‌لاریمیزا کیتابین الده ائتمه‌سینی اؤزل اؤنری کیمی وورغولاییریق.
ازدحام (رومان)
آفاق مسعود
حاضیرلایان: سعید موغانلی
انتشارات نخبگان
جیلد: مجید اکبرزاده
قطع: رقعی / تیراژ: ۱۰۰۰
دونیا ادبیاتیندا فرقلی یازی سایاغی‌ایلا اؤزونه اؤزل یئر آچان و ادبیات‌دا قادین سسی اولان و هابئله یازیچیلار بیرلییی‌نین ترجمه شعبه‌سینین مدیری و خزر درگیسینین باش یازاری، آفاق مسعود، کلمه‌لر و جمله‌لرله آچیقلامایا چالیشدیغی آجی بیر اولای‌دیر ازدحام.
دونیانین سونو بیر او قدر ده اوزاق دئییلمیش، خصوصی ایله قیز اوشاغی اولونجا داهادا یاخینلاشیر بو اویوشدوروجو سون.
بیر انسان، ایلک اؤولاد باخیشی‌ایلا، سونرا قادین اولاراق و سونوندا یازار و شاعیر روحلو قیریلقان بیریسی اولاراق آغیرجاسینا آجی بیر اولایی نئجه یاشاماسی‌دیر رومانین قونوسو.
کلمه‌لرله اویناماق، اؤزو سوسوب و سؤزجوک‌لری دانیشدیرماق، دیله گتیرمک آفاق مسعودون أن اؤزل یئته‌نه‌ییدیر.
ازدحام دا او بیری اثرلر کیمی یازارینین باشاریسینا بؤیوک بیر امضادیر تاریخین دفترینده.
ازدحام رومانینین اؤتن آی تهراندا فارسجا ترجمه‌سی، محمود مهدوی‌نین و شورآفرین یایین ائوی‌نین و هابئله “یاشماق سیرا کیتابلاری”نین بیرگه امکداشلیغی ایله یایینلاندی و فارس اوخوجولاری طرفیندن یاخشیجا قارشیلاندی.
آفاق مسعوددان بوندان اؤنجه، (سو ایتی، او، شلوغی، اوزو ایشیغا) کیتابلاری یایینلانمیشدیر.
اوزو ایشیغا (رومان)
آفاق مسعود
کؤچورن: آلما موغانلی
حاضیرلایان: سعید موغانلی
گرافیست: آیاز برازنده. تبریزلی
نخبگان انتشاراتی- تهران- ۱۳۹۴
یازدیغی رومان و حئکایه‌لردن بیر چوخو روس، انگلیس، فرانسا، آلمان، اؤزبک، فارس و بیر چوخ آیری دیله ترجمه اولونان آفاق مسعود اؤزل یازیچیلیق سایاغی‌ایله بو گونکو آذربایجان و دونیا ادبیاتیندا یوخاری روتبه‌یه مالک اولوب‌دور.
اوزو ایشیغا اؤلومو قارشیلایان بیر قادینین سون گونلری‌دیر. هر شئی بیر اوتاقدا یاشانیر، قادین یئریندن دورامایاجاق قدر گوجسوزله‌شیب، قادین دونیاسیندا اؤلومون رنگی ده باشقادیر، دویغولار، گؤزله‌نیلن قوناق‌لار حتی آغری چکمک ده فرقلی‌دیر و بونو قاباریق شکیلده اوزو ایشیغادا گؤرمک اولور.
بو کتاب آذربایجان ادبیاتیندا قادین ایزی‌دیر. گوجلو قلمی و قیوراق دیلی ایله آن به آن، اوخوجونو اؤلوم حالیندا اولان قادینین حیاتینا چکیب، اونون‌لا بو آجی دولایی‌لاری دولانیر، اؤلومون گؤزونون ایچینه باخیر یاشاییر و یاشادیر، سانکی الیمی اوزاتسام گؤزونو چیخاردا بیله‌رم آغری‌لارین، سیزی‌لارین…
اوزو ایشیغا ژورنالیست شاعریمیز سعید موغانلی‌نین چالیشماسی‌ایلا چاپا حاضیرلانیب سایین شاعره و خانیم آلما موغانلی طرفیندن لاتینجه‌دن کؤچورولوب، نخبگان یایین ائوی طرفیندن بو ایلین پاییزیندا یایینلانمیشدیر.
او O (آذربایجان جمهوریتیندن حئکایه توپلوسو)
آنار رضا / آفاق مسعود / ائلچین افندی‌یئو/ اسماعیل شیخلی
حاضیرلایان: سعید موغانلی
گرافیست: حبیب ایلون قشقایی
نخبگان انتشاراتی، ۱۳۹۴
آذربایجان یازیچیلار بیرلییی‌نین باشقانی، آنار رضا و آذربایجان و دونیا ادبیاتیندا فرقلی یازی سایاغی‌ایلا اؤزونه اؤزل یئر آچان و ادبیات‌دا قادین سسی اولان و هابئله یازیچیلار بیرلییی‌نین ترجمه شعبه‌سینین مدیری و خزر درگیسینین باش یازاری، آفاق مسعود، آذربایجان یازیچیلار بیرلییی‌نین کئچمیش باشچیسی، یازیچی، سناریست اسماعیل شیخلی و یازیچی- تنقیدچی و نظریه‌چی پروفسور ائلچین افندی‌یئو‌ین قیسا حئکایه‌لریندن اولوشان بیر حئکایه توپلوسودور “او”…
آدینی آفاق مسعودون “او” حئکایه‌سیندن آلان بو کتاب، آدی گئدن دئو یازیچی و ادبیاتچی‌لارین اینجه و ظرافت‌له سئچیلدییی اثرلریندن توپلانمیش بیر گنجینه‌دیر.
دؤرد دیل، دؤرد دونیا، دؤرد دوشونجه، دؤرد سبک و جریان، و دؤرد امضا آذربایجان ادبیاتیندا.
او، بیر دؤردیول آیریحی‌دیر و بوتون یول‌لاری، اوخوجونون مقصدی‌دیر اصلینده.
آنار رضانین مشهور و چاغداش نثرده چوخلو ائتکی بوراخان “واهیمه” پووئستی ده بو کیتابین بیرینجی اثری‌دیر.
هر آددیمدا مزاریم وار(بوتون شعرلری باکی چاپینین اوزوندن)
محمد‌بی‌ریا
باکی چاپینی حاضیرلایان: پروفسور اسلام غریبلی
نشر موغام، تبریز ۱۳۹۴ پاییز
کؤچوروب، چاپا حاضیرلایان: سعید موغانلی
گرافیست: ارسلان آقاخانی
قیمت: ۲۵۰۰۰ تومان
محمد بی‌ریا فرزند حاجی غلام باقرزاده نوحی به سال۱۲۹۳ ش -۱۹۱۴میلادی در تبریز متولد شد، پدرش نجار بود. او در سن ۸ سالگی به همراه خانواده‌اش از تبریز به خراسان مهاجرت کرد و در آنجا مشغول تحصیل شد، اما به خاطر بیماری مادرش و بیکاری پدر، مجبور به مهاجرت به باکو شدند.
بی‌ریای نوجوان ضمن ادامه تحصیل به مدت هفت سال در باکو کم‌کم به ادبیات و شعر علاقه پیدا کرده و اولین تجربه‌های شعری‌اش را در مجله «دیوار» به چاپ رسانده است.
در ۱۹۳۳ میلادی مرگ ناگهانی مادرش، تغییر اساسی در زندگی شاعر بی ریا به همراه پدر ،برادر و دو خواهر خردسالش مجبور به بازگشتبه ایران می‌شود و به مدت دو سال در شهرداری تبریز مشغول به کار می‌شود.
بی‌ریا با تحمل بیش از سه دهه زندان، شکنجه و تبعید در حکومت شوراها، پس از انقلاب اسلامی به تبریز بازگشت. اما بعد از آزادی از زندان وحشتناک شوروی و در اثر شکنجه های فراوان و جراحات واره سخت ناخوش احوال بود و بیشتر از چند ماه زنده نماندو بعد از ۳۳ سال عذاب در سال ۱۹۸۵ ،۱۳۶۴ در تبریز موطن مادریش درگذشت. اشعار برگزیده اش چندین بار در تبریز باکو و استانبول منتشر شده ولی کتاب حاضر کامل ترین مجموعه چاپ شده از آثار وی می‌باشد.
